Image

УАИПЧЪЭ КЪУАХЭ - Еутых Турхьан- Turhan Cankılıç
УАИПЧЪЭ КЪУАХЭ - Еутых Турхьан- Turhan Cankılıç
jınepsgazetesi@gmail.com
Tüm Yazıları

10 Mayıs 2014, Cumartesi

УНАГЪО Turhan Cankılıç

 

 

УНАГЪО

Еутых Турхьан

 

Адыгэм, Унагъо зыфиlорэ зэдгъашlэм, аш ипсэуычlэ, игъашlэ гъэпсычlэ, къыдгурыlоныш тедгъэпсахьыжыт.(унагъор) унэ lагъоу, къоджэгъунэгъум къашымынэу, чылагъом зэлъашlэрэ Хьачlэ кlуапlэу, зихьачlэшыпчэ lухыгъэу, еблагъэрэм зэрэфэшуащэу пэгъочlын зылъэчlырэр Ары. (унагъом) унашуэ илъырэп, я унашуэ яшlый яшlапхъэр зэдашlэу, я хабзэ хъугъэш, хабзэм къызэрекlоу зэчlэлъыкlоу зэдэпсэуых. (Унагъом) къемыкlоу емыкlу зышlэрэм фагъэгъурэп. зыхадзы хамэм ягъакlо. Непьэ зыфэбгъэгъурэ неуш багъомы, унагъор зэхитьэкъон. Унагъор зэхэтьакъом лlакъор зэхэфэн. унагъом инысаши, ихьадагъи чылагъом яlэты. Яхьадэ ягъэежэу, яджэгу къышыуджыжэу зэхэтхэп. Къуаджэм, къоджэ гъунэгъум, чылагъом, зыунашуэ яшlын зыхъуджэ, а унагъом макъэ рагъэlу. lочlэ шlычlэ зышlэрэ яlэш, яlуапхъэр яlо яшlапхъэр яшlэ. унагъо зыдэс къуаджэм, зымыхъун къыдэхъуахьэу, хэшуэ унашуэ зыхъуджэ, чылагъом къаричlырэ тхьаматэм, а унагъом итхьаматэ ягъэемыкlуы, “удэсыгъэба?” мыр дэу ябгъэшlагъа? яlо. Адыгэм хьадагъэ укlуагъэми, нысашэ укlуагъэми, уизекlуачlэ уишытычlэ, зыупчlэ закъукъоджэ зэригъашlэтыгъ. “Уибысым хэта?” Ар зэригъашlэм, узтетэр ишlэтыгъ. Адыгэм унагъоу псэуытыгъэм, мыхъунгорэ къызехъулlэджэ “унэхъугъ” яlотыгъ. Ар чlаlотыгъэр, ишхьа илажэу къэнагъ, lофхэфагъ, цlыфым ишуlагъ яригъэчlын Илъэчlытэп, зэшуlэчl иlэжэп, еджи шуlыджи ишlэжын шыlэп. Цlыф зишуlагъ емычlырэ, цlыфым яхэмыхьарэ, цlыф зыхэмыхьарэ унагъоу ялъытэрэпти арыгъэ. Ар унэ, зыкъишlэжым унагъо хъужын. Унагъом, лlыжъи, лlыкуй, лlычlи, чlали, ныуй, гуаши, нысэжъи, нысачlи пшыпхъуй, пшыкъуй, чlэлэцlыкlуй, саби цlыни, яlэу зэчlыгъоу зэдэпсэуытыгъэх. Зэчlэми я зэрэфэшуащэу, яшlапхъэр яшlэжэу, яхабзэ яхэлъэу жъым чlэр игъасэу, зэдэпсэуытыгъэх. Унагъом яхэмысэу ямыгъэсагъэм, унашуэ ишlын илъэчlытэп. Унагъом яхэмысэр, уначlэ зэрисым пае, ар сыдгъоджи нахьычlэу къанэ. Зыгъэсэн зимыlэ нысачlэм, Уначlэм шипlугъэ сабиер, унагъоми езэгъытэп, унашуэми къезэгъытэп, ар ежь зэрессагъэу Псэуыт. Адыгэ унагъохэр загъэунэхъоу, загъэкlодыгъэр, илъэс шиплlым емыхъугъэм шычlэрэп. Бзикъо заом япсэ хэзылъхьагъэу, тылlышхьа зыlоу шхьа зыгъажуэтьыгъэхэмрэ, ахэм тафэлlычlэтьэп зыlоу, нахьычlэр зышlагъэхэм, иджы тьызхэт гъашlэр ялъэгъум, тlуалlэ хъуныех. Унагъор загъэкlодым, уначlэм ячlэс нысачlэм, япlугъэхэм хабзэм чlыгъоу бзэри ямышlэжэу, бзэмыlоу къанэхи, зэмыпсэлъэжхэу, гушаlэхэу къызэхэнагъэх. Лъэгъуныгъэ яхэмылъыжэу, зэрэлъэгъу мыхъужыхэу, зэмдэlужхэу, дагъор дэгъу къашыхъоу, хьаблэм дэмычlэу, гъаблэм иучlэу, зэрэучlыжыхэу къызэхэнагъэх. Адыгэм, ишуlэщхъуныгъэ къигъэшlыгъэ бзэмрэ, аш зэрихьарэ хабзэмрэ зышуlэкlодыгъэм, яшуlэщхъуныгъи ягъэкlодыгъ. Адыгагъи, адыгабзи зымышlэрэм, ишуlэщ хъутэп, зишуlэщ мыхъурэри, адыгэ хъутьэп. Тхьа зэуагъэр тэ хэхэсхэр ары. тьызхэсым хамэ къытьаlо, хэкурысым хэхэс. Бгъуитlуми декlурабгъу дгъотырэп. тьызхэсым тафэдэп, Тьызфэдэм, тадэрэп. Хамэр типсэ, хэкор тишхьа идэрэп. Нэмыз lумызэу, тьызэубзэтэ Тьымышlэжэу, тьыкъэнагъ. чlэчlэу къэпlотьым, тыунагъопышъ тыунэхъугъэу, тьызэхэс. Къытьапэсырэ типсэуычlэу, адыгагъэр зэтымпэсэу, хабзэ тхэмылъыжэу, тихьадэ дгъэежэу, тиджэгу тьыкъшыуджыжэу тызэхэт. Ау гъашlэр джэгоп, уздигъэджэгутэп. Уджэгум джэгуалъэ уишlыт. Адыгэм, лlы зыфиlорэ лlы шыlэжэп. лlыгъэр бэу хьылъэ, бэу зехьэгъуай. Хъулфыгъэу къэхъурэ зэчlэ, лlы хъурэп. Лlыгъэ зыхэлъэ, лlакъом ипэрытэу, ишхьа фитэу, лlакъор зезышэу зезгъакlорэр ары. Ар, губзыгъэ lушы, лъэшы, ар сыдгъоджи япэ ешы. цlыфыгъэ ешlэ лlыгъэ хэлъ. “ялlырэ лlы хъуна?” Тэ ишхьа фимытьэр къытшхьарытэу, дэу лlыгъэ тхэлъ тlота?

Bu metni kaynak göstererek kullanabilirsiniz.

Yorum Yapın

Sayın okurumuz, yorum yapabilmek için üye olmanız gerekmektedir. Üye girişi yapmak için tıklayınız.

Kalan karakter (600)

Henüz yorum eklenmemiş

GAZETE

ARAMA EKLENTİSİ

Banner