Мэкэней

    Мэкэнейр 1864 гъэхэм Къэбэрдей хьэжрэту Тыркум къэIэпхъуа зы ХьэтIохъущыкъуей къуажэщ.

    Мэкэней къуажэм къетIысэкIащ дыгъэмыхъуэмкIэ ЛIыгъурхьэблэ, ДыгъэкъыкъуэкIыпIэмкIэ ЩIэщхьэблэ, дыгъапIэмкIэ Елъыхъуей, Шэшэн Жамботей, дыгъэкъухьэпIэмкIэ Локъуажэ.

    Къуажэр зыуухуар Мэкэнэ, Зэхъуэхъу, Шыбзыхьуэ (Азавур) лъэпкъхэрщ. Мэкэнейр Кайсери Малатя гъуэгущхьэIум тетщ, Кайсери къалэм километр 105-кIэ, Пынарбашы (Азей) районым километр 20-кIэ пэжыжьэщ. Къуажэм и щIыбыр дыгъэмыхъуэмкIэ егъэщIауэ, дыгъапIэмкIэ зритауэ зы къуажэ дахэ цIыкIущ.

    Мэкэнэхэ, Шыбзыхъуэхэ (Азавур), Зыхъуэхъухэ, Аскерхэ, Тхьэкъуахъуэхэ нэмыщI, лъэпкъыу щыпсэум нэхъыбэр хэхэсщ. Тхьэзэплъхэрэ Къалмыкъхэрэ Щэныбей къикIыжащ, Жылэтэжхэ хъуэжэуэ Мударей къакIуэри къыдэтIысхьащ, Хьэлбэдхэ Елъыхъуей къикIащ, Курт унагъуэцIэ зиIэхэр курд лъэпкъти, къуажэм къакIуэри къыдэнэжащ, адыгэ дэхъухьахэщ. Коджабашхэри адыгэ хъууэ къыдэнэжахэм ящыщщ. Хъуран Хьэсан Мэртэзей къикIри ефэндыуэ къуажэм щыпсэуащ, къыдэнэжу Мэкэней хъуахэм ящыщщ. Гъубжокъуэ, БешкIур унагъуэхэри хэхэсщ.

    Къуэжэм дэсIэ унагъуэцIэхэр
    КирилЛатинТыркубзэ унэгъуэцIэ
    АскерAskerGüser
    БекBekÖzbek
    БешкIурBeşkurBeşgül
    БэрэзгBerezgYıldız, Kazanç
    ГощоукъуэGoşokuaKüçük
    ГъубжокъуэGubjokuaTekin
    ЖыгуэJıguaCengiz
    ЖылэтэжJıletejÖnalan
    ЗыхуэухъZıhuahAksoy
    КIэгуэшKaguşKöşeli
    КIэрэфKerefGergin
    КъалмукъKalmukKalmuk
    МеканэMekaneMekan
    МышынэMışıne
    МэмейMemeyKunter
    ПIытIыкъуэPıtıkua
    ПщынокъуэPşınokuaBozkır
    ТхьазэплъThazeplTaze
    ТхьакъуахъуэThakuhuaGüzel, Kaya, Kızılkaya
    ХъуранHuranEviren
    ХьалбэдHalbedBeştepe
    ШурдымŞurdımŞurdum
    ШыгъэлыгъуэŞığalığuaKatı
    ЩогэнŞogenAslandok
    ЩомахуэŞomahuaKarabulut

    Къалмыкъ ЛIыгъур хъуэхъуэнкIэ Iэзэт. Хуабжьу шэмэджауэ цIэрыIуэт Курт Хьусен, Зэхъуэхъу Бэлау, Ихьсан сымэ. Къуажэр дахэщ, и цIыхухэри фIыщ, мэкъумэшым йолэжь, Iэщым пыщIахэщ. Ипэрей зэманым къуажэшхуэу щытами, быныр ирагъэджэныр я щхьэусыгъуэу куэдыр Кайсери, Анкара, Истамбыл къалэхэм Iэпхъуэжащ. Гъэмахуэм унагъуэ 40 къекIуэлIэжурэ щопсэу, щIымахуэм дэсыр унагъуэ15-щ. Псы яхущIэмыгъэлъадэми, щIышхуэ яIэщ, былым я куэдщ. ЛIы цIэрыIуэу нэхъ пасэм къуажэм дэсахэщ Жылэтэж Надир, Тхьэкъуахъуэхэ Суатрэ Фуадрэ, Аскер Iэдэм, Зэхъуэхъу Бэлау сымэ. ИужькIэ Жылэтэж Мухъсин, Аскер Мэдин, Шыгъэлыгъуэхэ Мэмэтрэ Абдинрэ, ПIытIыкъуэ Амир, Жыгуэхэ Зехьни, Крами, Пщынэукъуэ Газий, Бэрезг Наурыз сымэ дэсащ фIэлIыкI яIэу.

    ЦIыхум яцIыхуу, лъэпкъ Iуэху зэрахуэу, хыхьэхэкI яIэу псэуащ Къайсери къалэм и хасэм и тхьэмадэ Тхьэкъуахъуэ Кенан, Анкара Хасэм и тхьамадэу щыта Тхьэкъуахъуэ Демир, Анкара щызэхэт «Шимали Кафкас» хасэм и тхьэмадэ Шыгъэлыгъуэ Абдурахьман сымэ.

    Къуажэм илъэс куэд щIауэ сымаджэщи, еджапIи щыIэжкъым, зэхуащIыжащ, ауэ иджыпсту зыкъомыр къуажэмкIэ ебэжащ, унэщIэ ирагъэщIыжауэ гъэмахуэхэр щрах.

    Йылэсым епхэIэ цIыху быжыгъэр
    ГъэхэрЦIыхухъуЦIыхубзПсориЛитературэхэр
    1935247Genel Nüfus Sayımı 1935 S.29
    1940170138308Genel Nüfus Sayımı 1940 S.383
    1965182188370Genel Nüfus Sayımı 1965
    1970155167322Genel Nüfus Sayımı 1970
    1975170181351Genel Nüfus Sayımı 1975
    1980192187379Genel Nüfus Sayımı 1980
    1985143167310Genel Nüfus Sayımı 1985
    199085107192Genel Nüfus Sayımı 1990
    2000404383Genel Nüfus Sayımı 2000
    200761https://www.nufusune.com/181135-kayseri-pinarbasi-asagikizilcevlik-mahallesi-nufusu
    201255
    201356
    201453
    201560
    201650
    201749
    2018149
    2019413374

     

     

     

    CEVAP VER

    Please enter your comment!
    Please enter your name here