Ди япэ ищахэр къоплъэкIыр
Накъыгъэм и тIощIрэ зым.
Лъэпкъыгум хуокIуэж щыгъуэдэкIыр
Накъыгъэм и тIощIрэ зым.
КъэкIуэнур блэкIам щыхэттIэнущ
Накъыгъэм и тIощIрэ зым.
Дыпсэурэ дылIарэ жытIэнущ
Накъыгъэм и тIощIрэ зым.
Дитынущ сыныжьхэм я пащхьэ
Накъыгъэм и тIощIрэ зым.
Адэжьхэм яхуэтщIурэ щхьэщэ
Накъыгъэм и тIощIрэ зым.
ЗэбдзэкIмэ а бжыгъэм псэ Iутыр
Зэподжэ-зоджэжыр езым –
Адыгэм и лIакъуэ пщыкIутIым,
Накъыгъэм и тIощIрэ зым.
