Мы дыщэ хъурейм и теплъэм тIэкIу дыкъытепсэлъыхьынщ. Мыр, зы фIэщхъуныгъэ зыгъэлъагъуэ зы теплъэщ. Мыр «Ды» м и теплъэщ, «ды» р зекIуэу, «гъэ» р къыхэкIыу «дыгъэ»м и теплъэщ.
Ику дыдэм итыр Тхьэм хухэха махуэу «Тхьэмахуэ»щ (1), и нэзым къетIысэкIахэр махуихыу (6), зы тхьэмахуэщ. Тхьэмахуэр къэзуфэрэзыхьыр, зы мазэщ. И нэз дыдэм Iутхэми зы гъэр егъэлъагъуэ.
Мы псори къызыхэкIыр «ды» м и пIэтIэуэн, и хъеин, и зекIуэным къыхокI. Дыр зекIуэмэ «гъэ» р кIэлъокIуэри мэ «дыгъэ» р. Хъейуэ зекIуэм бжыгъэр щIедзэ, земыкIуэр «ды» къауэ къонэ, бжыгъэри пIэтIауэкъым (ибжкъым).
Зы махуэр, зы тхьэмахуэр, зы мазэр, зы гъэр, лIыщIыгъуэ хуэдэ бжыгъэхэр къызыхэкIар; «ды» м зигъэхъейуэ, дыгъэр дэпщей, епщыхыху, ипщыурэ зокIуэ, «пщакIуэщ». Ипщари ибжурэ зокIуэ, «бжакIуэщ».
Зы нэху махуэм мы «ды» м, цIыхухэр щэ йоджэ. (I) уэхъус ирахыу, щэ йолъэIу, щэ йоIусэ.
- Дыгъэр хы хэхьэгъуэм (пщыхьэщхьэпэ).
- Дыгъэр хым къыщыхэкIым (пщэдджыжь).
- Дыгъэр уэгукум щитым (шэджагъуэ).
Нэху махуэрей и тхьэлъэIур егъэзащIэ. Пасэрей, а лъэхъэнэ псэукIэм къыхэкIыу…
Жэщ кIыфIым, и нэм имылъагъуу хэса цIыхухэр, кIэху къищIу, дыгъэр къыхэплъу, и бзийхэр къыщепсым; къэкIыгъэхэми зэрызыхуаIатым хуэдэу, цIыхухэми я Iэр хуаIэтри, и Iэ гукум къипсэу, еIусауэ илъытэ дыгъэм и бзийр (ху) и напэм щехуэ.
Мы ТхьэлъэIу щIыкIэр махуэм щэ (3) егъэзащIэ. «Уэ» м ит «хъу» гъэ зыхэлъу ялъытэ «ды»м, «дыгъэм»и теплъэми тращIыкIа, къыхащIыкIа, и цIэми хэтыжу «хъу-ра-еи», «хъурей» уэ йоджэ.
Мы Тхьэ лъэIу щIыкIэми хыдолъагъуэр: зэIусауэ илъытэр, «уэ» м ит, «хъу» гъэ зыхэлъ дыгъэм (и хум, и бзийм) еIу «са», зэIу«са» уэ, «уэ-хъу-са» уэ, щхьэщэ хуейщ. «Уэхъус» ирех. Нобэрей жыIэгъуафIэ жыIэкIэу (I) уэхъус ирахыр.
Мы ди бзэм и ныбжьыр зыгъэлъагъуэ мы псалъэмкIэ сэри Iуэхъус фызохыр, «ды»м, «щы»м, «ра»м зэреджам хуэдэу:
-Iуэхъус Апщи, фызэджэр фхуэбагъуэ… Бэу Апщи…
