Зекlонымкlэ (Туристически) Дунаим и анахь тегъэпсахьыгъэ къоджэ 30-м ахэхьагъ
ООН-м и Дунэе Туристически Ассацация (УНВТО) къуаджэхэм языкъегъэlэтын, ежьыр ежьырэу ахэм заlыгъыжьын, цlыфхэм ягупсэфыныгъэ нахьышlу шыlгъэным афэгъахьыхьэу ыгъэхьазырыгъэ Зекlонымкlэ (Туристически) Дунаим и Анахь Къоджэ Дэгъухэр – 2022-рэ илъэсым и тыгъэгъэзэ мазэ зыцlэ къыриlуагъэ чылэхэм, Израил ит адыгэ къоджитlум язэу Кфар Кама ахэфагъ.
(УНВТО) Мыгъэ къэралыгъо 18-м я къалэхэм арыт къоджэ 136-рэ зэригъэпшагъ, анахь дэгъоу 32-рэ къыхахыгъ. Зекlонымкlэ Израил и Министерство (УНВТО-м) ипрограмэ къоджищ хигъэлэжьэгъагъ, ахэм анахь тегъэпсахьыгъэу къыхахыгъэр Кфар Кама ары. 
(УНВТО-м) изэнэнкъокъу ишапхьэхэр мыщ фэдэ иlагъэх:
-Културэ ыкlи чlыопс байныгъэр,
-Лъэпкъ култырэм иухъумэн ыкlи ар зэльягъэшlэныр,
-Экономика ыкlи социялнэ щыlакlэм зэрэзэгъэфагъэр,
-Зекlоным зызэриушъомбгъурэм игъусэу гушъхьалэжьыгъэм хахъоу ышlырэр,
-Инфострукрурэр ыкlи зэльыlэсыным иамалхэр,
-Псауныгъэр, шынэгъончьэныр.
«Хахыгъэ къуаджэ пстэуми, ячlыопс ыкlи ягушъхьалэжьыгъэ дакlоу щыlэкlакlэм зэрэхэуцохэрэр, зэрэдиштэхэрэр зыкъаlэтыным фэшl ыпэкlэ зэрэплъэхэрэ гухэлъэу яlэхэмкlэ зыкъагъэлъэшъун фаех.»
2022-рэ илъэсым зекlонымкlэ анахь тегъэпсахьыгъэ къуаджхэм ащыщэу Тыркуем зы чылэ къыгъэлъэгъуагъ: Ар къалэу Измир паселкэу Ёдемищ хахьэрэ къуаджэу Бирги зыфиlорэр ары.
(УНВТО-м) 2022-рэ илъэсым изэнэкъокъу кlэух зэхахьэ, Мэзаим и 27-28-рэм 2023-рэ илъэсым Саудскэ Аравием и къалэу Эл Ула зыфиlорэм щыlэщт, ащ апэрэ шlухьафтынхэр щаратыжьыщтых.
