Bağımsızlık Demokrasi Özgürlük Eşitlik Birlik

СИАДЫГАБЗ

СИАДЫГАБЗ

Къины. Онтэгъу.
Хьазаб рыпIощтмэ – ар Iэрыфэгъу.
Убгэщтмэ – джадэ,
Имэкъэ гъашIуи гъыбзэм фагъадэ.
ИшIэти – щылыч,
ПсынкIагъэу хэлыр – шы емылыч.
Иорэд мэIупчъапчъэ,
Гугъэуз макъэу IуекIы унапчъэр.
Хьылъэу зеIэты, игъашIэ фэдэкъабзэу.
Сыд макъэ уиIэни, насып уиIагъэмэ?
Тыдэ къэкIына, сикъош, адыгабзэр,
Адыгэмэ зэхамылъхьагъэмэ?..
УкъысэупчIымэ: тыдэ къэкIыгъ
Щылычэу джэрэ уимакъэ?
– Сэшхуабэ къушъхьэтхмэ ащызэпыкIыгъ,
Хьадэгъур ашъхьагъ щысакъэу.
УкъысэупчIымэ: тыдэ къэпхыгъ
Нэпсыцэу гъыбзэ гущыIэр?
– Лъфыгъабэ къушъхьэтхмэ ащыфэхыгъ,
СымышIэу ябэн зыдэщыIэр.
УкъысэупчIымэ: тыдэ зепхьагъ
Джы нэс уионтэгъуагъэ?
– Зы кIочIэ закъо гъэшIэным сиIагъ –
Къэслъфыгъэм сыриджэгъуагъэп.
ЫшIагъ улIэныр, ышIагъ улIыныр,
Ау джэгъогъугум уфэпщылIыныр
ЫшIагъэп, е гъэрэу зыптыныр.
Нарт лъэпкъым уфэдэкъабзэу,
Укъэзгъотыжьыгъ, адыгабз.
Сыдэплъыешъ – сашъхьагъы огу къабзэр
Зигъэадыгабзэу нэфынабз.
Сыдэплъыешъ, тыжьынэу чъыгъэу,
Пщэсыр сашъхьагъ къыщэкIуашъэ,
Отэбэчэу, пчэнэ ищыгъэу,
Адыгабзэр фэд чылэ пшъашъэм.
Пчэдыжьыпэмэ янэфы ткIопсмэ
КъарэкIо осэпсы лъапшъэу.
Адыгэбзэ гущыIэр умыпсэмэ,
Тыдэ укъэкIыгъ о, пшъашъэр?
ЗгъэшIагъи згъэшIэщт илъэси
КъарэкIо осэпсы лъапшъэу.
Iэпэ закъокIэ огум уерэнэси,
КъэбгъэгущыIэн о, пшъашъэр.
КъэгущыIэн фэмыщыIэу,
ГъэшIэн насып ыгъотыгъэу:
Адыгабзэм урэгущыIэшъ,
Адыгабзэм псэ къыуитыгъэу.
НыбжьыкI! Сэ силэгъу!
Насып рыпIощтмэ, ар Iэрыфэгъу.
ИшIэти огу нэф.
Сабыи макъэм фэд ащ ичэф.
Игугъэ лъагэ,
Гукэгъу кIэлъэIурэп игущыIэ пагэ.
Иорэд гугъэтэджэу,
Насыпы дахэкIэ цIыфыгум къеджэ.
Тэмабгъоу зеIэты, инасып фэдэкъабзэу,
Сыд гъашIэ уиIэни, ныбджэгъу уимыIагъэмэ?
Тыдэ къэкIына, сикъош, адыгабзэр,
Адыгэмэ зэхамылъхьагъэмэ!

Къуекъо Налбый.

Yazarın Diğer Yazıları

Асҭамыр Кәыҵниа имултфилм ҿыцқәа

Амультипликатор Асәамыр Кәыәниа мышқәак раәхьа ахәыҷы рацәа еизигеит. Иара иаәиәаз аәсуа мультфильмқәа әба: «Риәа алегендеи», «Ахьча Чаҳмаәи Аәсәаа Қәамзачи» рәыргараәы азал азна әәын. Амульфильмқәа...

«Дзакәыда Миҳри» Анҭалиаҿы

Анҭалиа Азиндырҩыцәа Рнаплакы, Аҳәса Рзинқәа Ауаажәларратә Хаҵеи-Ҧҳәыси Реиҟарара Акомиссиа еиҿнакааз, Аҳәса ирызку Акинофилмқәа цәыргара иҭагӡаны, адокументард фильм «Дзакәыда Миҳри» гьы иыубарҭан. Хәажәкрамза 13 рзы,...

Акоманда Нарҭ чемпионхит

Аҧсны Супер Куп Ашьапылампыл Чемпионат аҿы, акоманда Нарҭ аиааира агыит. Афинал мач, Динамо астадиум аҿы, Хәажәкрамза 20 амш, акомандақәа Ерцахәы’и Нарҭ’и ирыбжьан. Ҭашәарада инҵәаз 90...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img