Bağımsızlık Demokrasi Özgürlük Eşitlik Birlik

АМХIАДЖЬЫРКВА

АМХIАДЖЬЫРКВА

Ауахъ гIайитI. Амца блитI.

АшвабжьыкI сара йгIасгвыквгIвитI.

Ауи ашва саздзыргIвитI,

СшаздзыргIвуамца схъвыцра джвыквлитI.

Аладзцыраквала йхърыс

АжвгIванд схъадзгылапI чатырта.

Рбжьы гIасгвыквгIвитI са шIыц-шIыц

АмхIаджьырква, амхIаджьырква.

«Марджьа ей! – хIва сцIритI сара,

Ржьы швымфан швара швсабиква.

ШвгIахъынхIвых ! Датша зджьара

Йрагььта йгьаъам швыщхъа цриква!»

Сбжьы гьыргIум! СгIахьшватI, сгIахьшва…

ЙхъыччитI агIымстаква, ахIква.

Йхъылын Атенгьыз КвайчIва

АпстхIва йаладзхитI ахъвыхIква.

СгылапI атенгьыз атшпы,

Сбжьы гьыргIум, йаквтштшитI асквшышвква.

ЙгIаситI абыхъв агвытшпы

Атолкъвынква, йуышвуа рпрычвква.

Абыхъв йгIаддрышвлитI ауат

Ахъвадиква, ахъвадиква…

Швхакв швазгIайхтI… ШвгIалатI, швгIалатI,

ТшхъзырчIвагвачвыз сара сцриква…

АмхIаджьыр рыцхIа йхъвади

ЙауацIыхта йыквпI ахIацIкъьа…

РыцIа йынасыппI ауи

Йбзата йхъыскваз зымгIва рацкIыс…

МЫХЦ Кьарим,
«ГIагвалашвахра» поэма йгIалхпI.

Yazarın Diğer Yazıları

Аҧсшәа ацлит

Google аиҭагара программа Translate, 110 бызшәа ааигәа иацлит. Убри ала Google Translate, аиҭагараҿы иқәнарҿиаз бызшәа, хыҧхьаӡарала 243 рҿынӡа инаӡит. Иацлаз бызшәақәа ирылахәуп; Аҧсшәа, Чечен,...

Уҭқу Қаҧ ихьтәы медал

Рашәарамза 13-16 амшқәа рааны, Тиран ақалақь еиҿкааз, Европа Акомандақәа Теквандо Шьампионат аҿы, Дузџье’тәи аспортмен Уҭқу Қаҧ ахьтәы медал ианашьахит. Ҳақан Шьенгьонул азыҟаҵаҩыс идгылаз Уҭқу...

Абазашҭа, нас Черқес Хекә раҭаара

Жьинеҧс Аредколлегиа алахәлацәа, Лиҧҳа Гьул Иылмаз, Хежбевыҟәе Ердоҕан Иылмаз, Карачаи Черқес Ҳәынҭқарра аҳҭнықалақь Черқес иҟо газетқәа Абазашҭа’и, Черқес Хекә’и иаҭааит. Абазашҭа Аредақтор Хада Ҟәыл Фардауыс...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img