Анзорыкъо Долет 1980-рэ илъэсым къ. Мыекъуапэ къыщыхъугъ. Илъэситф ыныбжьэу музыкэм феджэнэу ригъэжьагъ.
Мыекъуапэ дэт искусствэхэмкIэ колледжэу Тхьабысым Умар ыцIэ зыхьырэм фортепианэм къыригъэIонымкIэ щеджагъ. Ащ нэужым Ростов дэт консерваториеу С. В. Рахманиновым ыцIэ зыхьырэм композитор хъунымкIэ ишIэныгъэ щыригъэжьагъ, илъэсищэ зыщеджэ нэуж Санкт-Петербург дэт консерваториеу Н. А. Римский-Корсаковым ыцIэкIэ щытым еджэныр щылъигъэкIотагъ. Илъэс зэкIэлъыкIохэм Долэт театрэу консерваторием епхыгъэм, Александринскэ театрэм, Маринскэ театрэм, А. А. Брянцевым ыцIэкIэ щыт театрэм Iоф ащышIагъ. 2012-рэ илъэсым музыкальнэ искусствэмкIэ дунае ныбжьыкIэ гупчэ ежь иунаеу къызэIуихыгъ. Непэрэ мафэм къынэсэу гупчэм 1500 къехъоу музыкальнэ къэгъэлъэгъонхэр Санк-Петербург щыригъэкIокIыгъ. 2020-рэ илъэсым щегъэжьагъэу Санк-Петербург дэт консерваторием иректор иупчIэжьэгъу. Долэт икъэлэмыпэ жанрэ зэфэшъхьафмэ арылъ произведение 40 фэдиз къычIэкIыгъ. Мы илъэсым оперэмрэ балетымрэ ятеатрэшхоу Пермь дэтым пэщэныгъэ дызэрихьанэу Долэт агъэнэфагъ.
