*ЦIыхум тыншу ущыдэпсэуфынур езым нэхърэ уэ унэхъ лъагэу е уэр нэхърэ езыр нэхъ лъагэу къыщыпщымыхъур аращ.
*ЦIыхухэм я тхьэмыщкIагъэу хъуар къызыхэкIыр ящIапхъэр зэрамыщIар аракъым, атIэ ямыщIапхъэ зэралэжьыр аращ.
*УмыщIэным емыкIуи зэрани хэлъкъым, емыкIури зэраныгъэ зыхэлъри умыщIэр пщIэ хуэдэу фэ щызытебгъауэрщ.
*Гъэсэныгъэр Iуэху гугъуу къытщохъу ди щхьэр дымыгъэса щIыкIэ ди бынхэр е нэгъуэщI гуэрхэр дгъэсэну яужь дыщитым. НэгъуэщIыр зэрытхуэгъэсэнур ди щытыкIэр зэрыарар къыдгурыIуэмэ, зы упщIэщ къэнэжынур: сэ си псэукIэн хуейр сыт хуэдэ?
*ЦIыхухъухэм я нэхъыбэм я щхьэгъусэм деж къыщалъыхъуэ езыхэм яхэмылъ фIагъхэр.
*Унагъуэ насыпыфIэхэр псори зэщхьщ, унагъуэ насыпыншэ къэс и насыпыншэкIэр зыми ещхькъым.
*Сабийми пэжу убгъэдэтын хуейщ: къызэрыбгъэгугъар гъэзащIэ, арыншамэ пцIыупсыкIэ ебгъащIэу аращ.
*Ажалым узэрыщышынэр къэбгъэщIым и фIагъым хуэдизщ.
*Ныбжьэгъу шынэкъэрабгъэр бийм нэхърэ нэхъ Iейщ, сыту жыпIэмэ бийм зыщыбохъумэ, ныбжьэгъум ущогугъ.
*Зы хьэл Iей зыхэни, пщIыр абы дэкIуэдынущ.
*Хабзэншэ жылагъуэм дыкъэзыухъуреихь дунейм цIыхур и тепщэ зыщI къэхутэныгъэхэр щащIыныр сэбэпын къэгъэнауэ, шэч зыхэмылъ икIи нэрылъагъу зэранагъщ.
*Къэрал Iуэхухэр зезыгъакIуэхэм я къарур зыхэлъыр цIыхубэм я щIэныгъэншагъэращ, ар езыми ящIэжри, сытым щыгъуи пэщIэтынущ узэщIыныгъэм. Ар къыдгурыIуэну и чэзу хъуащ.
*Дэтхэнэри хущIокъу дуней цIыхухэр яхъуэжыну, ауэ зыри егупсыскъым езым зихъуэжа зэрыхъунум.
*Псори къызэхъулIэр шыIэныгъэ зыхэлъырщ.
*Дэтхэнэми и уэрамыпэр ирепхъэнкI. ИтIанэ уэрамыр къабзэнущ.
*ФIыуэ дыкъыщIалъагъур дыфIу арауэ къытщохъу. Дегупсысыркъым фIыуэ дыкъызэралъагъур дыкъэзылъагъухэм я фIагъыу зэрыщытыр.
*Дэ цIыхухэр фIыуэ щIэдмылъагъур ахэр бзаджэу аракъым, атIэ бзаджэу къыщIытщыхъур фIыуэ тлъагъуркъыми аращ.
*Уи щхьэм и унафэ пщIыжыфмэ – ар унафэу щыIэм я нэхъыщхьэщ, удэзыхьэх псом ухуэпщылIыныр – щхьэхуимытыныгъэу щыIэм я нэхъ шынагъуэщ.
