ФИДАР У, ВАЛЕРИ АБИСАЛЫ ФЫРТ ГЕРГИТЫ

0
612

Дунейы дзыллæтæн зындгонд Ирыстойнаг дирижер Гергиты Валерийы фæцух кодтой гермайнаг горæт Мюнхены филармонион оркестры сæйраг дирижеры бынатæй. Ацы уынаффæ дыццæджы рахаста Мюнхены бургомистр Дитер Райтер. Мюнхен Гергиты Валерийæ фæхицæн. Нырæй фæстæмæ Гергийы-фырты разамындæй концерттæ æвдыст нал цæудзысты. Уæрæсе Украинæйы кæй æххæст кæны, амæй размæ дирижерæй бадомдтон уыцы сæрмагонд хæстон операци æвзæрыл банымайын, фæлæ Валери мæ домæн нæ баххæст кодта. Ныры уавæры дарддæр æмгуыст цæмæй кодтаиккам, уый тыххæй мæ домæн баххæст кæнын æмбæлд. Мæ домæн æххæстгонд кæй не ‘рцыд, уый тыххæй кæрæдзийæ хъуамæ æвæстиатæй фæхицæн уæм. Иннæ фарстытыл рæхджы æрныхас кæндзыстæм, — загъта Дитер Райтер. Гергийы-фырт Мюнхены филармонион оркестры сæйраг дирижеры бынат ахста 2015 азæй нырмæ. Валериимæ бадзырд фидаргонд уыд 2025 азы æмгъуыдмæ. 

“Фидар у, Валери! Европæйы бæстæтæ бонæй-бонмæ алыхуызон ‘диссæгта’ æмæ цъаммардзинæдтæ æвдисынц. Уæрæсейы куыд тынгдæр бафхæрой, ууыл ерыс кæнынц. Гергиты Валери – зындгонд дирижер, Уæрæсейы Федерацийы фæллойы хъайтар, УФ-йы адæмон артист, Украинæйы адæмон артист, Мюнхены филармонийы оркестры сæйраг дирижер, Æппæтдунеон æхсæнадон организаци ‘Иры Стыр Ныхас’-ы орден ‘Адæмы хорзæх’-ы кавалер, Абысалы-фырт Валерийæн бирæ æнтыстдзинæдтæ ис музыкалон аивады. Фæлæ ныртæккæ ахæм фыдзамантæ скодта æмæ абон Гергиты Валерийы æнтыстдзинæдтæ, йæ алæмæттаг курдиат айрох сты, Европæйы хуыздæр залты йын тыхджын къухæмдзæгьдтæ чи арæзта, уыдонæй. Уый хыгъд та Æппæтдунеон æхсæнадон организаци ‘Иры Стыр Ныхас’ ирон адæмы номæй хуссарæй цæгатмæ, фæнды Гергиты Валеримæ йæ хъуыдытæ фæхæццæ кæнын. Мах кæддæриддæр нæ зæрдыл дарæм, Уæрæсейæн æмæ нæ чысыл Ирыстонæн кад чи кæны, уыдонæй иу дæ ды æмæ уый санкцитæн фæцудын æмæ фæгуырысхойаг нæ бауаддзыстæм. Ирыстон сæрыстыр у Гергиты Валерийæ! 

Иры Стыр Ныхас» 

CEVAP VER

Lütfen yorumunuzu giriniz!
Lütfen isminizi buraya giriniz