Кфар-Къамэ Адыгэмэ рагъэблэгъагъэ ныбжыкlэхэр Каффэдым зэригъэцэкl агъэм тетэу пщъэшъиплlырэ кlэлэхъуиплlырэ хъухэу Бэдзэогъу мазэм и шыкlым Истамбул къухьлъэтапlэм тышызэрэугъои Тэлавив тыкlуагъ.
Нэбгырих хъухэу къытпэгъокlыгъэмэ анахь цlыкlум Адыгэ Ныпыр ипщэ ещэкlыгъэу къухьлъэтапlэ къикlыпlэм тащыlукlагъ.
Тызэрашlэрэр илъэс аджи хъугъэ фэдэу lаплlэкъорэгъкlэ зыкъытадзи кум тырашагъ. Сахьатырэ ныкъорэкlэ Кфар-Къамэ тызнэсым зыкупи ащ къыщытажэхэу тахэхьагъ. Ягу фэбагъэрэ янэгушlугъорэ нэкlунэпс сыкъишlыгъ. Тэ тапэкlэ кlугъэ Фэрихьа Канкоч’ыри къытхэхьажыгъ.
Иужырэ мафэм небгырэ тlокl хъухэу lурдун къикlыгъэхэри къызтэгъусэжым мыухыж джэгур ежвгъэ хъугъэ.
Ныбжыкlэхэр унагъомэ афаугошыгъ, тэри тиунаеу хьакlэш дахэм тыкlагъэсыгъ.
Мэфибгъум тагъэлъэгъугъэр бэдэд. Кфар-Къамэ ублэкlымэ зэрэ Адыгэ къуаджэр пшlэнэу къабзэ, зафэ. lуашъхьа горэм тыгъагъомкlэ едзыгъэу тес. Узфаер шыбгъотэу культур унэ, музей яl. Кудус, телавив къытагъэкlохьыгъ. Рейхьание Адыгэ къуаджэми ташагъ.
Программым фэлажэрэмэ я тхьаматэ Ланэ чэщи мафи иlэжыгъэп. Аш дэлажэхэрэ Шила, Шина (тlуазэх), Алин, Саусыр зи шамгъакlэу купыр зэрашагъ.
Къэлашъхьа тхьаматэ Зекерия Напсо и наlэ къыттеты зэпытыгъ. Къуаджэ тхьаматэхэмкlэ Мемдухь, Шэуджэн Хьарун, Фэуаз, Рустам, Ибрахьим, кузефэхэр Джэмал, Адил, Рейхьание тхьаматэ Азиз я адыгагъэрэ я цlыфыгъэрэкlэ шыкlагъэ хэмылъэу тахьакlагъ, тигу ашэфыгъ, мэфибгьурэ пшlыхьар бэрэ сlотэжыщт.
Ти ныбжыкlэхэр джэгугъэх, уджыгъэх. Дэгъоу зэдырагъэщтагъ. Ахэм я гулъытэ чаны, нэмыкlхэгъэгу ис Адыгэхэмрэ ежхэмрэ я зэтефыгъэхэр, ежмэ яшыкlэрэр, ялыер хагъэмыгъэу къыкlэкlын. Зафэу зекlуагъэх, ядекlугъэх. Шытхъур къагъэхъагъ.
Ныбжыкlэ псоми насып афэхъункlэ сэхъохъу.
