Симон Басариа ихьӡ зху Очамчыратәи ашкол-интернат аҟны имҩаԥысит ашколхәыҷқәа рзанааҭалхра иазку атренинг. Ари аиԥыларахь Аконгресс аԥхьара рнаҭеит Аҟәатәи аҳәынҭқарратә коллеџь арҵаҩы Алиса Барцыцԥҳаи Аԥсуа ҳәынҭқарратә университет астудентцәеи: Руслан Амҷба (Аҟазарақәа рфакультет), Нестор Касланӡиа (Афизика-математикатә), Гәында Инаԥшьԥҳа (Аҭоурыхтә), Сариа Касланӡиаԥҳа (Афилологиатә).
Алиса Барцыц еиҭалҳәеит абжьара-занааҭтә ҵара ахьуоуша аҵараиурҭақәа рыӡбахә, Аԥсны урҭ аҭахны ишыҟоу, аҵара ахьуҵаша ҭыԥқәас иҟоу уҳәа.
Астудентцәа аҵара ишҭалоз, рыҽшазыҟарҵоз атәы рҳәеит, рзанааҭҵара анроулак ашьҭахь усура ргәы иахьҭоу иазааҭгылеит. (abaza.org)