Йæ сæдæ азы юбилейы фæдыл “Рæстдзинад”-ы редакцимæ ацы бонты цæуы бирæ арфæйы фыстæджытæ, суанг фæсарæнтæй дæр. Стамбулæй Хосонты Мутлу фыссы: “Нæ цытджын Ирыстоны стыр фидиуæг газет “Рæстдзинад”-ыл сæххæст сæдæ азы. Æз мæ сæр бæрзонд хæссын “Рæстдзинад”-ы фæрцы, уымæн æмæ йæ кусджытæ раст хабæрттæй мах хъуаг нæ уадзынц. Мах диаспорæйæ цæрæм, фæлæ нæ фыдæлты бæстæ Ирыстоны мысæм. Æз мæ фыдæлты бæстæйы уыдтæн æртæ хатты, уарзын ме ‘мтуг адæмы, уарзын мæ мадæлон æвзаг. Газет “Рæстдзинад”, мин азты фæцæр мæ кадджын Ирыстонæн, лæггад кæнгæйæ!”
Станбулæй Хосонты Мутлу
