Задæлески нана
Тог ниууардта!..
Нæ æносон Фарнæ
Арви саударæнти бауадæй …
Æртæфтуд æзнаги пеллон артæй
Нæ бундор никкалдæй, басугъдæй!
Зæнхи гъæрзун дæнтти гъæр нихгæдта,
Нæ дзилагæ фæцæй зæрдæфхæлд,
Кæд ма дæмæ,нæ еунæг Фæлдесæг,
Табу кæнгæй,нæхе хатдзиан,кæд?!
Кæд федуйдзæй зæрдитæй гъарæнгæ?
Кæд иссердзæй æ уасæ нæ уонх?
Дудзигъæр кæд гъаззæй нæ кæмттæбæл,
Æгомуг кæд нæбал уодзæй хонх?
Мæрдгинтау нæ æрдзæ, нæ Фæлдесæг,
Къехæй дуйне калуй цæстисуг,
Адзалуæлцонг гъæстгин дæлмагуртæй
Хъонцгæнæгау нигъгъæр кæнуй уг.
Æрфестæг æй, раргом æй уасдартæй,
Фæлвæра æ цæститæй кæлуй —
Сафа, æнæфехсуйгæ рæхисæй
Уодциринæй кизги бос бæттуй…
Æрфедар æй мони уаг, нинсуфтæй
Куддæй идзаг циртау тæдзгæфуд,
Аллон кизги реуæй хортæ-мæйтæй
Тари фæндаг иссирдта æскъуд!
Æригон уод, силгоймаги нивæ
Æ тæрнихбæл нæ æрцудæй финст,
Нæ адæни зинæй,бунæскъудæй
Ниррæуадæй, амонд фæцæй гъизт.
Базуртау æ ерисхæ фегонæй, –
Уæлдæр халæн цардфæндаг нивонд!
Устурдæр амæндтæй,æвзарæнтæй
Нибедау æй æ уоди бундор…
Цард-нæмгутау седзæрти æруедзгæй,
Æхецæй исаразта мæсуг,
Сæ хуарзæнхæ ауодгæй æносмæ
Нихсистæй, разагъта урдуг!
Аци бон дæр дунгити æскъотти
Зæливулдæй игъосæн – “Æна”,
Задалески федар æновудæй
Фæрсаг кæнуй æхцулæй – “Нана”…
https://youtube.com watch?v=6cePfERmfgY&feature=share8
