Bağımsızlık Demokrasi Özgürlük Eşitlik Birlik

Хьэбжокъуэ Тамилэ илъэсым и тхьэlухудщ



Музыкэ къэрал театрым дыгъэгъазэм и l2-м щекlуэкlащ «Къэбэрдей-Балъкъэрым и тхьэlухуд-2023» лъэпкъ зэпеуэр. Абы щытекlуащ «Призвание» медколледжым щеджэ Хьэбжокъуэ Тамилэ. Пшыхьыр ирагъэкlуэкlащ уэрэджыlакlуэ Теунэ Джэмалрэ гуфlэгъуэ зэхыхьэр езыгъэкlуэкl Урыс Миланэрэ.

Тхыдэ дахэ къызыдекlуэкl зэхьэзэхуэм я зэфlэкl щеплъыжащ зи ныбжьыр илъэс l6-м щыщlэдзауэ 27-рэ хъу пщащэ зэкlуж икlи акъылыфlэу ll. Къыжыlапхъэщ, мыгъэрей зэпеуэм «Мисс Русское радио» щlыхьыцlэр 2007 гъэм зыхуагъэфэща Жылэ Илонэ и щапхъэу зэрыщытыр. Къэбгъэлъагъуэмэ, хъыджэбзхэм я нэхъыбапlэр ди республикэм щопсэу. Абыхэм къадэкlуэу, зэпеуэм и зэфlэкl щеплъыжащ Беларусь республикэм щыщ, Гъуазджэхэмкlэ Кавказ Ищхъэрэ къэрал университетым щеджэ, абы щекlуэкlа «Мисс СКГИИ» зэхьэзэхуэм щытекlуа, илъэситl хъуауэ Налшык щыпсэу Клундук Софьи.

«Къэбэрдей-Балъкъэрым и тхьэlухуд-2023» зэпеуэм и къызэгъэпэщакlуэ, продюсер, режиссёр икlи сценарист Къамбий Амир жиlащ нэхъапэкlэ екlуэкlа мыпхуэдэ зэпеуэхэм Интернет lэlэтыр щыхабзэу щытами, мы гъэм абы зэхъуэкlыныгъэ зэрыхалъхьар. Музыкэ театрым кlуахэм lэмал яlащ абы и щlыхьэпlэм деж щагъэува, тхылъымпlэ пхъуантэм зи сурэт тет, нэхъ ягу дыхьэ хъыджэбзым я lэр хуаlэтыну.

Егъэджакlуэ lэзэхэм я нэlэм щlэту, хъыджэбзхэм мазэрэ ныкъуэкlэ зэхьэзэхуэм зыхуагъэхьэзыращ:  утыку итыкlэ, зыlыгъыкlэ, лъэдакъэ тетыкlэ, къафэ, нэгъуэщlхэми. Жыпlэнуракъэ, лъэпкъ фащэхэр къызыщыпсу, зэкlужу зыкъэзыгъэлъэгъуа дэтхэнэ пщащэми хуэфащэт тхьэlухуд щlыхьыцlэр. Зэрытщlэщи, мыпхуэдэ зэпеуэхэм зэрыщыхабзэу, фlым я фlыжыр къыхэхыныр зи къалэн къэпщытакlуэ гупым хэтхэми, дауи, я лэжьыгъэр тынштэкъым.

Къэпщытакlуэ гупым хэтащ модель lуэхущlапlэхэмрэ щэнхабзэ центрхэмрэ я лlыкlуэхэр, егъэджэныгъэм, спортым, хъыбарегъащlэ lэнатlэхэм я лэжьакlуэ цlэрыlуэхэр, жылагъуэм щыщхэр, дахагъэмкlэ зэпеуэ зэмылlэужьыгъуэхэм пашэ щыхъуахэр. Абыхэм къапщытащ пщащэхэм я lущагъыр, lэпэlэсагъэр, я лъэпкъ фащэхэр зыхуэдэр, къафэхэм зэрыхуэмыхамэр. Апхуэдэу Кавказым щызекlуэ хабзэхэм, лъэпкъ щэнхабзэм зэрыщыгъуазэр ягъэнэlуащ, зэпеуэр езыгъэкlуэкlым и упщlэхэм жэуап иратащ, я акъыл жанагъэр къагъэлъагъуэу.

Пшыхьыр и кlэм щынэблагъэм, къэпщытакlуэ гупым хэт Къардэн Залинэ жиlащ «Къэбэрдей-Балъкъэрым и тхьэlуэхуд-20l3» щlыхьыцlэр Хьэбжокъуэ Тамилэ зэрыхуагъэфэщар. Зэпеуэм зэрихабзэу, нэгъабэ мыпхуэдэ зэпеуэм щытекlуа Гулиевэ Зульфия и тажыр иритащ Тамилэ. Япэ вице-мисс хъуащ Тау Дианэ. Етlуанэ вице-мисс-р Хьэлышх Алинэщ. Текlуахэм яхуэупсащ щlыхь тхылъхэмрэ саугъэтхэмкlэ.

Зэхьэзэхуэр щlэщыгъуэ икlи гукъинэж хъуащ. Ар къызэзыгъэпэщахэм мыбыкlэ къалэну зыхуагъэувыжар щlалэгъуалэр лъэпкъ щэнхабзэм драгъэхьэхыныр, пщащэхэм я дахагъэр, акъылыфlагъэр, щэныфlагъэр къагъэлъэгъуэныр, зэфlэкl зиlэхэр къагъэнэlуэныр, нэхъри зрагъэужьынырти, къехъулlауэ жыпlэ хъунущ.

Пшыхьыр ягъэдэхащ республикэм и артист цlэрыlуэхэм. Зэпеуэр ирагъэкlуэкlащ КъБР-м Щlалэгъуалэм я lуэхухэмкlэ и министерствэр я дэlэпыкъуэгъуу.

Текlужь Заретэ. 

Сурэтхэр Къарей Элинэ трихащ.

Адыгэ Псалъэ

Yazarın Diğer Yazıları

Аҧсшәа ацлит

Google аиҭагара программа Translate, 110 бызшәа ааигәа иацлит. Убри ала Google Translate, аиҭагараҿы иқәнарҿиаз бызшәа, хыҧхьаӡарала 243 рҿынӡа инаӡит. Иацлаз бызшәақәа ирылахәуп; Аҧсшәа, Чечен,...

Уҭқу Қаҧ ихьтәы медал

Рашәарамза 13-16 амшқәа рааны, Тиран ақалақь еиҿкааз, Европа Акомандақәа Теквандо Шьампионат аҿы, Дузџье’тәи аспортмен Уҭқу Қаҧ ахьтәы медал ианашьахит. Ҳақан Шьенгьонул азыҟаҵаҩыс идгылаз Уҭқу...

Абазашҭа, нас Черқес Хекә раҭаара

Жьинеҧс Аредколлегиа алахәлацәа, Лиҧҳа Гьул Иылмаз, Хежбевыҟәе Ердоҕан Иылмаз, Карачаи Черқес Ҳәынҭқарра аҳҭнықалақь Черқес иҟо газетқәа Абазашҭа’и, Черқес Хекә’и иаҭааит. Абазашҭа Аредақтор Хада Ҟәыл Фардауыс...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img