Кавказ Хасэхэм я Федерацие (КАФФЕД) хахьэрэ Станбул Кавказ Културэ Хасэм (СККХ), Щылэ мазэм и 25-рэм, Зэлъыlэс хьытыум щетхы, «Ти Хасэ Хэтхэм ыкlи Хьытыум итхэм Тимэкъэгъэlу Шъунаlэ Тешъудз!» КАФФЕД-м тызэрэхьэтым ипlалъэ зэтедгъэуцуагъ.
Мы унашъор, щылэ мазэм и 18-м, Мэфэку мафэм, хасэм ыпэкlэ итхьамэтагъэхэр, КАФФЕД-м илlыкlохэр, Ныбжьыкlэ Комссием хэтхэр ыкlи Хэсашъхьэр зыхэлэжьагъэу «Непэрэ гумэкlыгъохэр, КАФФЕД-м тызэрэхэтыр ыкlи тызэрэщыгугъурэр» зышъхьа зэфэсэу зэхэтщагъэм щаштагъ.
Унашъом: «Станбул Кавказ Културэ Хасэм и Хэсашъхьэ, зыфэбэнагъэ lофыгъохэм ащыщэу шlум флъэныкъокlэ КАФФЕД-м зэхьокlыныгъэ зэрэфэмыхъугъэр тигукъау. Демократиер зигъуазэу зэхэщагъэхэм ащылажьэхэрэм инахьыбэм гомыlу гупшысакlэ зэфэшъхьафхэр зэряlэр, фэшъхьаф гупшысакlэ зиlэхэр ахэмэ зэрэщагъэзыехэрэм еуцолlэгъуай. Блэкlыгъэм щыублагъэу, кlэу хадзыгъэ хэсашъхьэм ыкlи ащ ыужырэм гомыlу зекlуакlэу къахэфагъэхэр зыхэхъожьым, Ти Хэсашъхьэ икlуачlэ илъэкl ежь ишъхьа lофхэм афигъэlорышlэныр нахь тэрэзэу хихыг ыкlи КАФФЕД-м фыщытыкlэу фыриlэр ыуж ригъэуцоныр игъоу ылъытагъ.
Мотивацие махэу къылъэгъуагъэм, зэхэщагъэхэм (хасэхэм) иягъэ аримгъэкlэын фэшl, КАФФЕД-м щылажьэхэрэр зыдэплъыхыжьынхэ, зэушъыижьынхэ алъэкlынэу, зэфэсым къыхалъхьагъэу теубытагъэ ахэлъэу загъэпсыным пае Станбул Кавказ Културэ Хасэм КАФФЕД-м зэрэхэтыр къызэтиригъэуцонэу унашъо ыштагъ» къыщеlо.
