Тыркуем, Гъэтхапэм и 31-рэ тхаумафэм, Шъолъыр пашэхэм яхэдзынхэр щыкlогъагъэх. Нэбгырэ милион 48-рэ мин 256.117-рэм ащ амакъэхэр щатыгъ ыкlи илъэситфым лэжьэщт унэшъошlыхэр хадзагъагъэх. Ау мыдэныгъэ бырсырхэр къызщаlэтыгъэ чlыпlэхэр щыlагъ. Ащ къыхэкlэу Апшъэрэ Хэдзэкlо Комиссием уплъэкlунхэр ышlын фаеу хъугъагъэ ыкlи къалэу Кайсери хахьэрэ Шъольыр гупчэу Пынарбашы икlэрыкlэу хэдзынхэр щашlынэу унашъо ышlыгъагъ. Ащ дакlоу мэкъуогъум и 2-м Пынарбашы ятlонэрэу хэдзынхэр щыкlуагъэх, Народнэ Партием илlыкlоу Ягъан Дениз джыри зэ хадзакlохэм амакъэхэр фатыгъэх.
