Стамбул Къэлэм и Мерэу Экрем Имамоглу апшъэрэ гъэсэныгъэр къызэриухыгъэр къэзгъэшыпкъэжьырэ дипломыр нэпцlэу ылъытагъ ащ фэгъахьыгъэу Стамбул къэлэ Прокурорым зэриумысыгъэм фэшl Стамбул Университетым Имамоглу идиплом гъэтхапэм и 18-м кlуачlэ имыlэжьэу ылъытагъ.
Республиканский Народный Парти и президент кандидатэу Имамоглу, Гъэтхапэм и 19-м аубытыгъ, Гъэтхапэм и 25-рэм «бзэджэшlэ куп зэхэщэн, ахэр зещэн гъэlорышlэн, lахьщэ къуалъхьэ аlыхын, бырсыр зэхащэу зекlон, иlэнатlэ фэгъэкlотэныгъэхэм афигъэlорышlэн» зыфиlохэрэмкlэ аумысыгъ ыкlи хьапсым ащагъ. Ащ ыуж Анкара Стамбул ыкlи Тыркуем икъэлабэхэм емызэгъ зэхахьэхэм закъщаlэтыгъ. Нэбгыришъэ пчьагъэхэм амакъэхэр lэтыгъэу хьугъэ шlагъэм зэремыцуалlэхэрэр къаlуагъ.
Еджакlохэм зэхащагъэ емызэгъ зэхахьэхэм апкъ къикlэу нэфшъагъо унэ теокlэ яунэхэм якlухэзэ аубытыгъэх. Ахэм милициер жьалымэу зэрадезэкlорэр тезыхыгъэу къэзгъэлъэгъуагъэ каналхэм ятхьаматэхэр, журналистхэр, зэхахьэм икlэщакlохэр ахэтэу нэбгырэ 11 аубытыгъ. Аубытыгъэхэм ахэтыгъ Имамоглу и Советник ыкlи Раоинхэм я Мерхэр. Станбул и Къэлэ Унэшъошlыр, Эсенюрт, Щищли, Бейкоз, Бейликдюзю Бещикташ, зыфиlорэ хьаблэшхохэм я Унэшъошlы Тхьаматэхэр. Чlыпих мэхъу, зэкlэхэр Республиканский Народный Партием щыщых. Стамбул и Мер, Бейликдюзю и Мер, Щищли и Мер lэкlоц lофхэмкlэ Министрэм яlэнатlэхэр аlихыгъэх. Щищли и Администрацие фэшъхьаф тхьаматэ фишlыгъ.
Емызэгъ зэхахьэхэм апкъ къикlэу аубытыгъэхэм япчьагъэ гъэтхапэм и 27-рэм нэбгырэ 1.879-рэм нэсыгъ. Еджакlо 301-рэр агъэlыстыгъ. Партием щыщ депутатэу Сезгин Танрыкулу, -аубытыгъэхэм жъалымагъэу адызэрахьагъэр зэринэрылъэгъугъэр зэхахьэм къыщиlуагъ.
Республиканский Народный Парти, Экрем Имамоглу къаутlупщыжьыным пае, Стамбул и Хьаблэу Малтепе Гупчьэшхо митинг щызэхищагъ. Гъэтхапэм и 29-рэм щыlагъэ митингим нэбгырэ минишъэ пчьагъэхэр къекlолlагъэх. Ахэм ахэтыгъэх, демократически обшествынэ зэхэщагъэхэм, партие зэфэшъхьафхэм ялlыкlохэр.
