«Sahibinden Rahmet» фильмым и режиссёрыр Серт Эмрещ, продюсерыр Адыгэ щэнхабзэмкӏэ хасээм и президент Йетишкин Мехьмэт и пхъу Йетишкин Гёздещ. Фильмыр хэтауэ щытащ жэпуэгъуэ мазэм и 24-м щегъэжьауэ щэкӏуэгъуэ мазэм и 2-м пщӏондэ екӏуэкӏа «Анталие и Дыщэ Тӏамы» 62-нэ кинофестивалым и «Фильм кӏыхьхэмкӏэ лъэпкъ зэпеуэм» икӏи номинацэ 13-м щыщу «Сценарий нэхъыфӏ дыдэ» икӏи «Япэрей фильм нэхъыфӏ» саугъэтхэр къыщихьащ.
«Сценарий нэхъыфӏ дыдэ» саугъэтыр Аслантугъ Мехмет яритащ режиссёрхэу Сертрэ Йетишкинымрэ. ДЖХП-м и тхьэмадэ къуэдзэ Гюльшах Дениз Аталар, «Бехлюль Дал Нэхъыфӏ Дыдэу Япэрей Фильм» саугъэтыр къэзыхьар къиӏуатэу, саугъэр ярита нэужь, режиссёр Серт актерхэмрэ дэӏэпыкъуэгъу хъуахэмрэ фӏыщӏэ яхуищӏащ. Гюзде Йетишкини япэ фильмыр техыным пыщӏа гугъуехьхэм тепсэлъыхьащ икӏи абы щӏэгъэкъуэн къыхуэхъуахэм фӏыщӏэ яхуищӏащ.
2015 гъэм Бингюль къалэм дэт Сарычичэк къуажэм метеоритыр зэрытеуам и пэжым тещӏыхьауэ траха фильмым и дунейпсо премьерэр щекӏуэкӏат «27-рей Шанхай Дунейпсо Кинофестивалым»
«Сахибинден Рахмет» (Бысымым и гущӏэгъур) кинотеатрхэм къыщагъэлъагъунущ «Анталие и Дыщэ Тӏамы» кинофестивалым и ужькӏэ щэкӏуэгъуэм и 7-м къыщыщӏэдзауэ.
