УАИПЧЪЭ КЪУАХЭ Eylül 2014

0
443

Эо Ужь

Лъэхъаным хэтэу зинэрылъэгъум,
Илъэгъугъэхэр къеIотэжы.
КъаIотэжызэ едэIугъэми,
Зэхихыгъэхэр еIотэжы.
Дэнэгъо щхьацэу иплIэIу идзагъэр,
Лэныстэ къештэщ къыпеупчIы.
Адыгэ пшашэу гъэрыпIэм итэр,
Урысы чIалэм къыпэгъочIы.
Ихэкуы гупсэ игъахьыжынэу,
Шхьацы шахьыгъэр къыфещэи.
Урысы чIалэм ищхьа уфагъэу,
ИIэ чIэзэзэу ар къыIехы.
Тыркужы щакIом ижэ укъыгъэу,
Адыгэ пшашэм жэхэплъахьы.
Ахъщэу кIихытэр шуIэмакIэ шыхъоу,
Игуы темыфэу зещхахьыжы.
НапIэр фэмIэтэу урысы чIалэм,
ЗыфэмшэIэжэу инэпс къэкIуагъ.
Адыгэ пшашэу ипащхьа итэр
Хэкум дисыгъэу илъэпкъ фэдагъ.
Тэ тызыухыгъэ зэо мыухыжым,
КъычIэлъыкIуагъэ мэфаех мыхэр.
Гъэры яшIыгъэу итыгъэх пчъэгум,
Яшэу яшэфэу адыгэ пшашэхэр.
Пщыхэ къахэпщэу молэхэр кяпщэу,
ЦIыфхэр зепшыпщэу къызэхэнагъ.
ЛIыщхьау исыгъэм ящхьа шуIахыгъэу
Хэкур урысым къалъэхэнагъ.
Щхьа хьыжь псэ хьыжьэу къэнагъэ лъэпкъэр,
Ипхъахь итэкъоу зэхатэкъуагъ.
Тхьам илIыкIохэр зыдэс къашыхъоу,
Истанбул гъэгум зэлъытехьагъ.
Зытехьагъэхэ гъэгужьы мыгъом,
Игъонэмысэу бэ текIодагъ.
РагъэIыстагъэу къошъуэ ныкъошъум,
Хы шъуIыцIэ ныбэм бэ икIодагъ.
Заом къелыгъэр узым игъалIэу,
Хы шъуIыцIэ ныджым еупцIыгъэх.
Хьам яныкъощхы хъугъэ хъадэхэр,
Хы Iушъуэ пщахъом хэупцIагъэх.
Гуми идэрэп щхьами ищтэрэп,
Урысы заом къытищIагъэр
Тилъэпкъэгъубэм иджы ящIэрэп,
КъызчIэныгъэхэм ягъэщIагъэр.
Тилъэпкъ итхыдэ тыщымыгъуазэм,
Гъузэ тимыIэу тыкъзэхэнэн.
Гъуазэ тимыIэм тэдджи зыдгъазэу,
Тыхьазэуазэу пчъэгу тыкъинэн

CEVAP VER

Lütfen yorumunuzu giriniz!
Lütfen isminizi buraya giriniz