Ажурналист, ателехәаҧшратә программақәа реиҿкааҩ Саида Жьиҧҳа «Ицәажәо аҭыӡқәа» захьӡу лышәҟәы аӡыргараз, насгьы аҧхьаҩцәеи лареи реиҧылараз Аҧснынтәи даҳҭааит. Апандемиатә ҭагылазаашьа ауадаҩрақәа шцәырнагозгьы, рашәарамза иҭагӡаны Сҭампыл Аҧсуа культуратә центр аҟны лышәҟәы лаҧхьаҩцәа рзын лнапы аҵалҩит. Аҭоурых змо Аҧснытәи аҩнқәа ирызку ашәҟәы аӡыргареи анапаҵаҩреи иара убас, Сақариатәи Кавказ центр аҿгьы имҩаҧган.
Атаман Кәыџба
