Bağımsızlık Demokrasi Özgürlük Eşitlik Birlik

«Сэ Каф къуршымкlэ сыкъокl»

Шыщхьэlум и 3-м Налшык къалэ дэт Сэралъп Мадинэ и Арт-Центрым къыщызэlуахащ Амман (Иордание) щыщ адыгэ сурэтыщl Къэрэгъул (Ал Саид) Зайнэ и гъэлъэгъуэныгъэу «Сэ Каф къуршымкlэ сыкъокl» зыфlащар.

Гъэлъэгъуэныгъэм къызэщlиубыдэ сурэтхэм къежьапlэ хуэхъуари апхуэдэ фlэщыгъэцlэм и щхьэусыгъуэри философ икlи тхьэгурымагъуэ Ягъэн Мурат и тхылъым Зайнэ къыхиха гупсысэхэрщ.

Къэрэгъул Зайнэ Лондон университет къыщиухащ, 2010 гъэм Амман игъэзэжри гъуазджэ lэщlагъэм елэжьын щыщlидзащ. Абы и lэдакъэщlэкlхэм ущрихьэлlэнущ Къуэкlыпlэ гъунэгъум щыlэ щэнхабзэ зэхуэсыпlэ нэхъ цlэрыlуэ дыдэхэм, Москва, Мейкъуапэ къалэхэми щагъэлъэгъуащ. Зайнэ и лэжьыгъэхэр щызэхуэхьэса гъэлъэгъуэныгъэхэр нэхъапэхэми Налшык щекlуэкlащ, ауэ иджырейр ещанэу, и гупсысэкlи и зэхэлъыкlэкlи адрейхэм къащхьэщыкlыу, къызэрагъэпэщащ.

Сурэтlыщl бзылъхугъэм и lэзагъым дихьэх, абы и lэдакъэщlэкlхэр зрагъэлъагъуну зи щlасэ цlыху куэд дэнэ щlыпlи щыlэщ, Зайнэ и сурэтхэр зыми емыщхьу, купщlэ зыщlэлъ гупсысэ зэмылlэужьыгъуэхэмкlэ гъэнщlауэ, узыlэпишэу зэрыщытым къыхэкlыу. Абы къигъэщl дунейр нэхуапlэмрэ пщlыхьэпlэмрэ я зэхуаку дэтщ, теплъэгъуэ телъыджэхэм къахыбоцlыхукl нэхъапэм псэуахэм я нэгухэри дяпэкlэ къалъхунухэм я напэхэри. Апхуэдэ нэрымылъагъу «гъуэгу зэблэкlыпlэхэрщ» Зайнэ и lэдакъэщlэкlхэм «къигъэхъуапlэ» яхуэхъур. «Уафэр щымыджэмыпцlэу щылъэр щызэпцlагъащlэ» дунейрщ си lэдакъэщlэкlхэм я къежьапlэр», – жеlэ езы сурэтыщlми.

Шыщхьэlум (августым) и 3-м, сыхьэтыр 17.30-м къызэlуах гъэлъэгъуэныгъэр фокlадэм (сентябрым) и 3 пщlондэ екlуэкlынущ.

Тхыгъэр АдыгэбзэкIэ зэзыдзэкIар Къып (Ныбэжь) Таисэщ

Yazarın Diğer Yazıları

Аҧсшәа ацлит

Google аиҭагара программа Translate, 110 бызшәа ааигәа иацлит. Убри ала Google Translate, аиҭагараҿы иқәнарҿиаз бызшәа, хыҧхьаӡарала 243 рҿынӡа инаӡит. Иацлаз бызшәақәа ирылахәуп; Аҧсшәа, Чечен,...

Уҭқу Қаҧ ихьтәы медал

Рашәарамза 13-16 амшқәа рааны, Тиран ақалақь еиҿкааз, Европа Акомандақәа Теквандо Шьампионат аҿы, Дузџье’тәи аспортмен Уҭқу Қаҧ ахьтәы медал ианашьахит. Ҳақан Шьенгьонул азыҟаҵаҩыс идгылаз Уҭқу...

Абазашҭа, нас Черқес Хекә раҭаара

Жьинеҧс Аредколлегиа алахәлацәа, Лиҧҳа Гьул Иылмаз, Хежбевыҟәе Ердоҕан Иылмаз, Карачаи Черқес Ҳәынҭқарра аҳҭнықалақь Черқес иҟо газетқәа Абазашҭа’и, Черқес Хекә’и иаҭааит. Абазашҭа Аредақтор Хада Ҟәыл Фардауыс...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img