Колонехь Iазап хьегначу Нохчийчуьрчу вахархочунна 65 эзар сом компенсаци лур ду

0
68

Дахначу еарин дийнахь Ярославлерчу Заволжскан кIоштан кхело сацамбина, Ярославлерчу ИК-1 колонехь хан текхначу Муртазалиев Хасдинан чукховдийначу искан хьокъехь. 

Колонехь шена тIехь ницкъбарна Муртазалиевс компенсаци дехнера 500 эза сом, амма кхело хьесап дина цунна 65 эзар сом бен ца луш.

«Общественный вердикт» (Оьрсийчоьнан Iедалхоша арахьарчу агентийн тептаре яьккхина, «Общественный вердикт» цуьнца реза яц. -Редакцин билгалдаккхар.) фондан информацица, Муртазалиев ИК-1 колоне кхаьчнера 2016-чу шеран Дечкен- баттахь. Муртазалиевн гIуллакх кхеле кхачийна адвокат Бирюкова Ирина фондаца болх беш ю. 

Шлюзехула иза дехьаволучу хенахь, цига дIакхачош бу этапе бохуьйту тутмакхаш, Муртазалиевна йиттинера буйнашца а, когашца а, чхьонкаршца а: колонин белхахочунна Яблоков Максимна ца тайнера, Муртазалиев схьаваларан орамаш, ткъа цуьнан леларца кхерам тусабеллера цунна. ТIаьхьо колонин кхечу белхахочо, Оныпа Романа, хеттарш дечу заманчохь дIахьединера, «этап шога тIеэца» аьлла, дина омра дара аьлла. 

Компенсацин барамах кхело бинчу сацамна латкъамбан дагахь ю «Общественный вердикт». 

Муртазалиев Хасдинан гIуллакхца цхьаьна бакъонашларъярхоша дIахьош ду, оццу колонехь хиллачу кхечу, Iазап хьегначу тутмакхан Гукасян Артуран гIуллакх а. Цо а дехнера 500 эзар сом, кхело сацамбина 50 эзар сом кхачаде аьлла. Оцу сацамна а латкъамбийр болуш бу фондо. 

  • ШенайиттинчултIаьхьа Муртазалиевс далхош хиллера, шен доIах чохь а, жаннашца а лазар хилар, бIаьрса лахдаларх а. Цо бахарехь, лоьраш тIекхойкхучу метта йиттинчул тIаьхьа ШИЗО хьажийра иза, цул тIаьхьа камеран хьесапехь чоьначохь витира, эххар а шогачу хьелашкахь дIатарвира. 
  • Яблоков,Оныпа,кхин а цхьа белхахо, Муртазалиевна еттачаьрца юкъахь хилла Писаревский Владислав а бехкебина Ярославлерчу ИК-1 колонехь тутмакхашна еттарна. Арахь яха хенаш кхайкхийна царна массарна а. «Общественный вердикт» фондо латкъамбийр болуш бу оцу сацамашна а, царна доггIу таIзар дайтархьама. (radiomarsho) 

CEVAP VER

Please enter your comment!
Please enter your name here