Bağımsızlık Demokrasi Özgürlük Eşitlik Birlik

Гергарчаьрга салам дахьийтина аьлла ши вахархо лаьцна Нохчийчохь

Европехь бехачу шайн гергарчаьрга салам-маршалла дахьийтина меттигера ши вахархо лаьцна Нохчийчохь. Лецнарш бевзачо Кавказ.Реалиига хаамбарехь, уьш лецаран бахьана ду – “Далла дика делла нах ду шу, кхузахь Iаш даций шу” алар. 

“Вай дукха хан йоцуш схьайиллинчу керлачу туьканахь ду хIинца, муха яра цуьнан цIе? Хьалха муьлха вистхир вара шух Европерчу вайн махкахошка?”, – хоьтту видео дIаязъечо. Цунна жоп лучо боху, царех хьоьгуш ву ша, хIунда аьлча, уьш Нохчийчохь бехаш цахиларна. 

Видео дIаязйина керла “Грозный-Молл” центрехь. Бинчу хаамашца, дIалецнарш бу Котар-Юьртара бахархой. Ролик дIаязйинера авторо, ша вехачу Бельги дIавахале хьалха. 

“Селхана буса дIабигна уьш ницкъхоша. Iуьйранна Бельги дIавахначунна тIедожийна маса юхаван, нагахь санна, оцу лаьцначу шинна вон болх хила ца лаахь”, – дийцина къамел динчо. 

Кавказ.Реалиин хьастано хаийтина, Котар-Юьртара ший а вахархо махках ваккха сацамбина аьлла. Яхначу сарахь маьждигехь хIоттийначу гуламехь сацамбина, цо аьллачу дешнаша массо а бахархой сийсазбина аьлла. 

IАDAT телеграм-каналан информацица, лаьцначех цхьаъ Устаев Абубакар ву, шолгIачух лаьцна хууш дац. Нохчийн блогеро Абдурахманов Тумсос дийцина Кавказ.Реалиига, видео тIера ши стаг дIавигарх шега а хаамбарх. 

Нохчийчуьрчу чоьхьарчу гIуллакхийн министраллан сайта тIехь кху сохьта официалехь информаци яц лецначарех. 

Нохчийчохь дуккха а нах леца болийра байначу беттан юьххьехь дуьйна. Блогерийн а, юкъаралхойн а хаамашца, дIабигинера Нохчийчохь иттаннашкахь церан гергарнаш. 

Нохчийчуьрчу информацин министро Дудаев Ахьмада харцдерг а, дезинформаци а ю аьлла республикехь Нохчийчоьнан куьйгалхойн критикаш лечкъорах дина дIахьедарш. 

Оьрсийн а, дуьненаюкъара а юкъараллаш, шайлахь Human Rights Watch, Norwegian Helsinki Committee, Amnesty International, International Federation for Human Rights, Iазапашна дуьхьалояран Комитет, арахьарчу агентийн тептаре яьккхина “Мемориал” а, “Гражданское содействие” а йолуш, президенте Путин Владимире бевлла. Цара дIахьедина, Нохчийчоьнан куьйгалхочун Кадыров Рамзанан критикийн гергарнаш байначу баттахь Нохчийчохь лечкъийна хиларх, тIедожийна Нохчийчуьра репрессеш хIуъа дай совцайе аьлла. Цкъачунна Кремло делла жоп дац.. (Дечкен-бутт 12, 2022 – radiomarsho) 

Yazarın Diğer Yazıları

Аҧсшәа ацлит

Google аиҭагара программа Translate, 110 бызшәа ааигәа иацлит. Убри ала Google Translate, аиҭагараҿы иқәнарҿиаз бызшәа, хыҧхьаӡарала 243 рҿынӡа инаӡит. Иацлаз бызшәақәа ирылахәуп; Аҧсшәа, Чечен,...

Уҭқу Қаҧ ихьтәы медал

Рашәарамза 13-16 амшқәа рааны, Тиран ақалақь еиҿкааз, Европа Акомандақәа Теквандо Шьампионат аҿы, Дузџье’тәи аспортмен Уҭқу Қаҧ ахьтәы медал ианашьахит. Ҳақан Шьенгьонул азыҟаҵаҩыс идгылаз Уҭқу...

Абазашҭа, нас Черқес Хекә раҭаара

Жьинеҧс Аредколлегиа алахәлацәа, Лиҧҳа Гьул Иылмаз, Хежбевыҟәе Ердоҕан Иылмаз, Карачаи Черқес Ҳәынҭқарра аҳҭнықалақь Черқес иҟо газетқәа Абазашҭа’и, Черқес Хекә’и иаҭааит. Абазашҭа Аредақтор Хада Ҟәыл Фардауыс...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img