Зыфlэфlи зыфlэмыфlи щыlэщ!
Зыфlэфlи зыфlэмыфlи щыlэщ! lэнэм пэрыс нэхъыжьым, и ишхыным хэлъ щхьэцыр къыхихри, унэгуащэм дэжкlэ зигъэзэри лъэlуащ:
«Кхъыlэ, мыр зыфlэфlи, зыфlэмыфlи щыlэщ. Шхын псоми хэвмылъхьэ.»
Дэнэ нэс нэсынуми…
Мумэд, си адэр, и къуэш нэхъыжьым щlыгъууэ епэдыдэ хьэщlапlэ щыкlуарат. Бысымхэм, lэнэ къамгъуву, яхьэщlэхэм, тепщэч цlыкlу зэрыз къыlэщlагъуващ.
Мумэд, тепщэчым илъ lэфlыкlэ гъурым гуахъуэкlэ щытеlунщlэм, lэфlыкlэр фтырейри ежьэжьати; и нэр тенауэ абы кlэлъыплът жи езыри. И къуэш Къарэцlыкlу Къази:
«lэхъу сыту lеуэ уплъэрэ!» щыжиlэм:
«Уэлей lэфlыр, дэнэ нэс нэсынуми зэзгъэщlэнуси арамэ!» жиlэс жи.
