Ирсюхадерзар – Зулай Хамидова, “Нохчийн туьйранаш”

0
62

Ирсюхадерзар 

Цхьана наха нускал далийна хилла. Буса сахиллалц сакъоьруш Iийна уьш. Сатосуш, марда уьйтIа ваьлла, уьйтIахь цунна шайн цIенош чуьра дIайоьду лар гина. Цу лорах xlapa дIавоьдуш, генна хьалха дIавоьдучу стеган сурт гина цунна. Воккхачу стага, собар дахьара, аьлла, дехар дина. Воккха стаг лерина, цуьнан дехар кхочушдина вукхо. 

ТIевеанчу воккхачу стага сецначуьнга хаьттина: 

— Хьо мила ву? — аьлла. 

Цо жоп делла, шун цIен тIера дIадахана Ирс ду ша, аьлла. ТIаккха воккхачу стага дехар дина, юхадерзахьара хьо шен цIен тIе, аьлла. 

— ХIан-хIан, — аьлла Ирсо, — хьан уьйтIахь, хьан цIен тIехь со оьшуш цхьа а вац, цундела со а дитий, дIагIо, амма хьо суна тIаьхьа варна, аса цхьа дика дийр ду хьуна. 

Ойла а йина, воккхачу стага аьлла: 

— ДIа ма гIолахь кхузара, со схьаваллалц, цIерачарах дагавала воллу со. Ирс резахилира и схьаваллалц собарда. ЦIа а веъна, ма дарра дерриге а дIа а дийцина, воккхачу стага шен зудчуьнга хаьттина, хIун дика дайта луур дара цунна, зудчо шена баккхий бахамаш хуьлийла лаьа, аьлла, жоп делла. ТIаккха воккхачу стага шен йоIе хаьттина, хIун дика дайта луур дара цунна, йоIа шена хаз-хаза, ез-еза тIеюху хIуманаш хуьлийла лаьа, аьлла. 

ТIаьххьара а хIинцца ялийначу несе хаьттина мардас, хIун дика дайта луур дара цунна, несо шена массо а хIуманал дукха вайн доьзалехь барт хуьлийла лаьа, аьлла. 

Массаьрга ла а доьгIна, воккхачу стага, Ирс долчу а вахана, дехар дина, шен доьзалехь барт хуьлийла лаьа шена, аьлла. 

ТIаккха Ирсо аьлла: 

— Делла дош кхочушдан деза. Аса барт ло-кха шун доьзална. Барт болчохь со а хила деза. 

Барт боцчохь, ирс а ца хуьлу. 

Воккха стаг а, Ирс а цхьаьна цуьнан цIа бирзира. 

CEVAP VER

Lütfen yorumunuzu giriniz!
Lütfen isminizi buraya giriniz