Кинорежиссерэу, Урысыем икинематографистмэ я Союз хэтэу Нэгъэплъэ Аскэрбый зипэщэ купэу Адыгэ Республикэм икІыгъэм документальнэ фильмэу «Черкесхэр дзэкІолІых ыкІи ІэпэІасэх» зыфиІорэр ІэкІыбым щытырехы.
Мысыр къэралыгъом и Лъэпкъ Дзэ музей, черкес мамлюкмэ (бурджитмэ) я Резиденцие, Пирамидэу Гизэм ыкІи Каир АрхеологиемкІэ имузей видеосъемкэхэр ащашІыгъахэх. Джырэ уахътэм купым хэтхэр Амман щыІэх, ащ ыуж Стамбул кІощтых.
Фильмым исценарие елъытыгъэу черкес мамлюкмэ ясултанхэу Мысыр иІагъэхэм яятІонэрэ тетыгъоу 1382-м къыщегъэжьагъэу 1517-рэ илъэсхэм къыхиубытэхэрэм ятарихъ къыраІотыкІыщт, — къыщаІуагъ АР-м культурэмкІэ и Министерствэ. (Адыгэ макъ)