Къаорэ Пкъыгъохэр Къыдэзгъэкlырэ lахь Зэхэлъ Фирмэу Эрджиес, къалэу Кайсери-Пынарбащы шъолъырым ит къуаджэхэу Эгрисёгют ыкlи Ашагыбейчайыр (Щыпщхьаблэ) азфагу чlыгу шъофыхэм, Къаорэ пкъыгъохэр къызщыдагъэкlыщт ыкlи ахэр зычlалъхьащт бгъагъэхэр (депохэр) зэрэщагъэуцущтым къоджэдэсхэр пэуцух.

Къуаджэу Эгрисёгют щыпсэухэрэм «Ащ фэдэ къыдэзгъэкlыхэрэр зэрыт шъофхэм апэблагъэ чlыгухэм лэжьыгъэ къарыкlэжьыщтэп, былымхэр щыпхъунхэ lамал щыlэщтэп, цlыфхэм япсэукlэ иягъэ екlыщт. Дунаим ичlыопс зыпкъ зэримытыжьыр къыдэплъытэм, тичылэхэм ягубгъохэр лъэжьыгъэ къабзэ къащыкlынымкlэ шъофыхэр, былымхэр щыпlыгъынкlэ хъупlэхэр тегъэпсахьыгъэх, ащ къыхэкlэу тичылэхэм апэlулъ фышъхьа лэжьыпlэхэм, былым хъупlэхэм фабрикэхэр зырагъэуцохэкlэ чlыгухэм яягъэ инэу зэрекlыщтыр нафэ, ар тэ тыдэщтэп. Эгрисйгют къоджэдэсхэмкlэ, типсэупlэхэм апэблагъэу мыщ фэдэ фабрикэхэр зэращагъэуцущтым теуцолlэщтэп» щетхы джэпсалъэу къашlыгъэм.