Bağımsızlık Demokrasi Özgürlük Eşitlik Birlik

«Урыстәыла – ҩ-дунеик» аатит Аҟәа ақалақь иҟоу Москва Аҩны аҿы

Аҿыханҵатә усумҭақәа рцәыргақәҵа «Урыстәыла – ҩ-дунеик» Аԥсны аурыс культура Амшқәа рымҩаԥгара аҳәаақәа ирҭагӡаны ашәахьа, цәыббрамза 4 рзы Аҟәа ақалақь иҟоу Москва Аҩны аҿы иаатит. 

Араҟа ицәыргақәҵахеит москватәи аҿыханҵаҩцәа Наталиа Баженовеи Татиана Ошурковеи русумҭақәа. 

«Сара аԥышәа ду сымоуп аурыс культура Амшқәа Черногориа, Польша, Болгариа амҩаԥгарала, уажәы уи харҭәаахоит Аԥсны ашәҟәыҩцәа Реидгыла алахәыла, ашәҟәыҩ Владимир Делба иажаәлагалала зымҩаԥгара аԥшьаҳгаз Аԥсны аурыс культура Амшқәа рымҩаԥгарала. Еиқәҳаршәеит «Аԥснытәи алитературатә тетрад» аномер ҷыда. Иаҳкьыԥхьит 21-ҩык ашәҟәыҩцәа раԥҵамҭақәа. Аха Владимир Делба ашәҟәыҩҩра анаҩсгьы дахьсахьаҭыхҩу, сара сакәзар, Москва асахьаҭыхыҩцәа Реидгыла сахьалаху инамаданы, ҳара ахәаԥшцәа ирыдаагалар ҳаӡбеит абжьаратәи абиԥара иаҵанакуа асахьҭыхыҩцәа иахьатәи рыԥшаарақәа – аконструктивизм, аимпрессионизм. Арҭ аусумҭақәа иарбан биԥаразаалакгьы иаҵанакуа зегьы рзы аинтерес аҵазар алшоит», – ҳәа ажурналистцәа дрыҿцәажәо илҳәеит урыстәылатәи аделегациа анапхгаҩы, ажурнал «Литературные знакомства» аредактор хада Лола Звонариова.  

Ажурналистцәа ирылҭаз аинтервиу аҿы Наталиа Баженова, ҳазҭоу аамҭазы лсахьақәа ртема хада акыр актуалра аныԥшуеит ҳәа иазгәалҭеит. «Сара стемақәа уажәы иҟоу иуадаҩу аҽеиҩшара аамҭа азы сара сзы акыр аҵанакуеит. Ҩ-дунеик – ари ҳаҩныҵҟатәи адунеи иааҳакәыршаны иҟоу адунеи – ҳларҟәра иазырхоу ихаарадоу адунеи зыргылара ҳҽазаҳшәо адоуҳатә дунеи роуп. Сара ауаа ргәаҵанӡа инеиуа, блала иумбо адунеи узырбо атемақәа рышьҭыхра сҽазысшәоит», – ҳәа илҳәеит лара.  

Аусмҩаԥгатә аиҿкааҩцәа Аҟәа иҟоу Москва Аҩны ахаҭарнакцәа иҭабуп ҳәа рарҳәеит Аԥсны аурыс культура Амшқәа рынагӡараҿы иҟарҵаз ацхырааразы, урҭ иара убас ҳаамҭазтәи асахьаркыратә литература авторцәа рышәҟәқәа аекземплиарқәак Москва Аҩны ҳамҭас иарҭеит.  

Ахәҭакахьала, Аҟәа ақалақь аҿы иҟоу Москва Аҩны адиректор иабжьгаҩ Борис Наҟоԥиеи аҳәынҭқарратә субсидиақәа рыҟәша аиҳабы Мариа Соиеи ас еиԥш иҟоу аусмҩаԥгатәқәа рымҩаԥгара аԥсны-урыстәылатәи аизыҟазаашьақәа рырӷәӷәара азы аҵак ду шаҵоу азгәарҭеит.  

Аусмҩаԥгатә еиҿкаан Аԥсны акультура Аминистрра, Евразиа ажәларқәа Рассамблеиа алитературатә Хеилак, Аԥсны Аҳәынҭқарра иҟоу урыстәылатәи атәылауаа рзинхьчара Ацентр, Москва Аҩны рыла. Убри аан адгылара ҟарҵеит Гәылрыԥшь араион Ахадара акультура аҟәша, ауажәларратә еиҿкаара «Гәылрыԥшь», Аԥсны иҟоу Урыстәыла аус ацура азы Ахаҭарнакра, иара убас акультуратә фонд «Платформа».  

Аԥсны аурыс культура Амшқәа рымҩаԥгара аҳәаақәа ирҭагӡаны иазԥхьагәаҭоуп Москва, Санкт-Петербург, Риазань, Уфа, Ростов-на-Дону, Минск ақалақьқәа рҟынтәи ашәҟәыҩцәа реиԥыларақәа рымҩаԥгара.  

Аусмҩаԥгатәқәа мҩаԥгахоит Аԥснытәи аҳәынҭқарратә Университет, И.Папасқьыр ихьӡ зху Амилаҭтә библиотека, иара убас ареспублика араионқәа рҿы, ҳәа адырра ҟанаҵоит Аҟәа ақалақь аҿы иҟоу Мосаква Аҩны апресс-маҵзура. (apsnypress.info) 

 

Yazarın Diğer Yazıları

RTÜK, Açık Radyo’nun lisansını iptal etti

“Kâinatın tüm seslerini, renklerini ve titreşimlerini” yasakladınız. Biliniz ki yasağınız ancak kâğıt üzerindedir. Özgürlükleri yaşamın her alanında kısıtlamaya devam ediyorsunuz, basın özgürlüğünü de. Kontrol altında...

Çeçenya ve Putin

İspanyol gazeteci ve insan hakları aktivisti Marta Ter Ferrer’in “Kadirov’un Çeçenya’sı: Kafkasya’daki Putin Rejimi” adlı kitabı yayımlandı. Ferrer’in 8 yıl boyunca Çeçenya’daki insan hakları ihlalleriyle...

3 roman tek kitapta toplandı

Kutarba Hayri Ersoy'un "Sürdüler, Sürgün Oldum", "Sürgün Sessiz Ölür" ve "Çöl Sıcağında Bile Üşürsün Sürgünsen" adlı romanları tek kitap haline getirilerek, Oktay Chkouta çevirisiyle...

Sosyal Medyalarımız

4,890BeğenenlerBeğen
1,353TakipçilerTakip Et
4,000TakipçilerTakip Et

Son Yazılar

- Advertisement -spot_img