Йæ сæйраг хъайтартæ сты – Беслæны теракт йæхиуыл чи бавзæрста, уыдон. Æцæг цаутыл арæзт историтæ адæймаджы разæнгард кæнынц арф хъуыдытæм. Кинонывмæ бакæсгæйæ, чи йæ цæссыгтæ нæ бауыромдзæн, чи та æрхæндæг хъуыдытыл фæхæст уыдзæн. Ныридæгæн кинолентæмæ бакастысты 2 милуан уæрæсейаг скъоладзауæй фылдæр. «Золотая бронза» – арæзт у 5 новеллæйæ. Ист сты Беслæны цæрджыты хъысмæтыл, 2004-æм азы сентябры трагикон цауты фæстæ. Съемкæты архайдтой зындгонд актертæ, Дзæуджыхъæуы театрты артисттæ. Эпизодты та фылдæр сты Беслæны цæрджытæ сæхæдæг. Кинонывы премьерæ уыд ивгъуыд аз 4-æм сентябры Беслæны. Хицæнæй ма йæ равдыстой Стъараполы музейон-равдыстадон комплексы «Россия – моя история». Уыцы куыст арæзт æрцыд, Æппæтуæрæсеон фæсивæдон фестивалы программæ æххæст кæнгæйæ. Зæгъдзыстæм ма уый дæр, æмæ киноныв систа кинокомпани «Три Икс Медиа». Продюсертæ сты – Инесса Юрченко æмæ Сергей Щеглов. Сценарийы автортæй иу æмæ режиссер-æвæрæг у Игорь Копылов. @alaniatv
https://vk.com/video-21911882_456239278
