Ацы къам мæм Стамбулæй (Турчы бæстæ) раппæрста ирон лæгау-лæг Хоситы Бурхан!
Мæнæ мæм цы фыссы: “Зынаргъ Хъазбег, дæ бон хорз! Мæнæ дын мæ ног Ирон худимæ мæ къам. Дæ лæвар чингуытæ мæ чиныгдоны (æз æй мæ хæзнадон хонын) сæ бынат ссардтой”.
Æрмæст афтæ мачи ахъуыды кæнæд æмæ йын уыцы чингуытæ иуылдæр æз балæвар кодтон.
Ам мæм Дзауы уазæгуаты куы уыд августы мæйы, уæд ын балæвар кодтон мæхи чиныг æмæ Абайты Васойыл (4 томы), иннæтæ йæм раздæр дæр уыдысты.
Ныр мæ фæнды бафæрсын, Ирыстоны чи цæры, уыцы ирæтты: Цымæ уæ ацы чингуытæ алкæй хæдзары дæр сты?
Науæд уæ цал дары Бурханау ирон нымæтхуд? Æви уæ къепкæттæ уæ сæрыл, афтæмæй куы бараст вæййут цины, кæнæ зианы хъуыддагмæ, уæд уæм уый раст фæкæсы?
Казбек Чел-Ахсартаг
