Аҧсны Жәлар Реизара адепутат, Адунеизегьтәи аҧсуа-абаза конгресс Анагӡаратә маӡаныҟәгаҩ Инар Гыцба Аҳабла ҿыц инхо ахәыҷқәа рзыҳәан итрадициахаз ашықәсҿыцтәи аныҳәа еиҿикааит. Ахәыҷқәа рнаҩсан адуцәагьы ргәалаҟазаара ашьҭыхразы иаҧҵан агәырӷьареи алакәи зныҧшуаз атмосфера. Еизаз ирыдыргалеит азлара, Аҵаа Бабадуи, Асҭыҧҳаи, амультфильмқәа рҿы ахәыҷқәа бзиа ирбо егьырҭ аперсонажқәеи ақәыргыламҭа мҩаҧыргеит.
Иҷыдоу арратә операциаҿы иҭахаз аибашьцәа рхәыҷқәа ирырҭеит Аҧсуа драматә театр аҿы имҩаҧгахо, аҳамҭақәа зцу ашықәсҿыцтәи ақәыргыламҭахь абилеҭқәа. (abaza.org)
