Щылэ мазэм ипэублэм Станбул Кавказ Културэ Хасэм (СККХ) джэпсалъэу къышlыгъэм къыщеlо:
«Ныдэльфыбзэм изэгъэшlэн уасэу иlэм къыпкъырыкlызэ, СККХ-м апэрэу ыушэтэу ригъэжьагъ,
-Тиорэдхэмкlэ
-Тикъашъохэм ыкlи драматургиемкlэ
-Ритм ыкlи орфограмкlэ
-Зэмышъогъоу пкlырапкlын нэрылъэгъу lэпэlэгъухэмкlэ
Тинэдэлъфыбзэ макъэу хэтхэр, гущыlэхэр ядгъэшlэн гухэлъ тиlэу проект зэхэдгъэуцуагъ. Ащ хэлъытагъэу диаспорэм щыпсэхэрэм, тикlэлэцlыкlухэм зэкlэхэми талъыlэсын тыпшъэрылъыщт.»
Къэбарыр къызытлъэlэсым проектыр зезыщэрэ Щейма Цэйикъу Канбек гущыlэгъу фэхъугъ.
-Илъэсыбэ хьугъэу кlэлэцlыкlухэм апае обшествынэ организациехэм зэхащэрэ проектхэм уадэлажьэ Уиныдэлфыбзэ зэрэпшlэрэр икъоу олъыта?
-Урыгушхо хъущтмэ чылэм сыщапlугъ. Синыдэлъфыбзэ сышlэнэу хъугъэ, Къызгурэlо, сырэгущыlэ. Сицlыкlугъор къхиубытыагъ, Тянэ тятэхэр Адыгабзэкlэ зэдэгущыlэхэм, якlалэхэм Тыркубзэкlэ защдэгущыlэщтыгъэхэ уахьтэм. Политически пlоми нэмыкl ушъхьагъугэрэхэр фэхъугъэхэми, тэ зэкlэхэми арары тыкъызхэхъуахьыгъэр. А илъэсхэми, къыкlэлъыкlощт илъэсхэми гумэкlыгъоу ащ гулъыттагъэп. Ау, тыныбжь хэкlуатэ къэсми тиунаеу гъашlэм къытитыгъэхэр зэрэтlэкlахырэр лыузэу зэхатшlэу хъугъэ…
-Гомыlугъэ, културэм чlэнагъэ фэхъугъэхэр зыфэпlуагъэхэм ашъхьа къипхына?
-Цlыфыр ежь зыхэмыдагъэ дунаим, унагъом, културэм къыхэхъуахьы. Ар зэрихьылlэрэ хьугъэ шlагъэхэм, дэгъум-дэйым апсахьы. Цlыф цlыкlум ищыlэныгъэ зы «Сыдэу дэгъу», зы «…гъагъэм» ыlоу тlу къыхахьэ. Сэри хэмытыгъэем зыфатlохэрэр къыхахьэхэми зэ мызэм, Сыдэу тхьар къысати мыщ фэдэ културэм сыкъхэхъуахьыгъ зэсэlожьы. Ау, синыдэльфыбзэ сызэрэфаеу зэрэзэсымгъэшlагъэм Сыфыкlэгъожьы, ащкlэ сызэрэмыкlучlэм, сырытхэу сырыгупшысэу зэрэщымытым, …гъагъэем зэсэlожьы.
-Станбул Кавказ Културэ Хасэм, илъэси 8-15 зыныбжьхэм, хьытыум ишlуагъэкlэ «Адыгабзэм Изэгъэшlэн Курсхэр» зэрэщябгъахьырэм укътегушlэна…
-Илъэс зэкlэлъыкlохэм ныдэлъфыбзэр ягъэшlэным дэлэжьагъэх егъэджакlохэр. Гулъытымытэу хэукъоныгъэхэр ащ хэхъуахьыгъэх. Бзэм гуфабэ фэпшlын, бзэр зэбгъэшlэным уфэеныр ыкlи бзэр зыхэпщагъэу хъуныр. Мыхэр зэкlэхэри язырызэу лъэбэкъу шъхьафых. Сэ сишlошlыкlэ Бзэр ядгъашlэ зыхъукlэ, мафэ къэсми дгъэпсэуалъэхэрэр ядгъэшlэным ыпэу, гущыlэжьхэм, гущыlэ зэфэдзхэм, мэкъэ зэпэджэжьхэм зашlотэгъанэ. Кlэлэцlыкlухэми, инхэми бзэрэ зэрагъэшlэным фэшl сыдым пае «шlуанэр, машэр», «балконыр-Адыгабзэкlэ» ышlэн фая. Тэ жьюзымыр жъызюма хьауми сэнашъхьэ, зэнэкъокъум тыхэтызэ тылъыкlотэн тлъэкlырэп.
-Бзэр ябгъашlэ зыхъукlэ, зэрябгъашlэрэ шlыкlэм икъиныгъохэм уарехьылlа?
-Тинепэрэ бзэ егъэшlэным фэшъхьаф егъэшlакlэ ыкlи техникэхэр иlэх. Тэ тызпылъыр бзэр зэригъашlэ зыхъукlэ зэщыгъоу мыхъуныр, кlэгъэгушlугъэныр ары. Ащ нахь тынаlэ тетын фае. Бзэр ягъэшlэнымкlэ мыр хэмыты хъущтэп зыфэсlон зи щыlэп. Кlэлэцlыкlухэм зэрязгъашlэрэр сэрыкlи шlуагъэ зыхэлъ, ушэтыгъэ дэгъу.
Еджакlохэм аlэкlэдгъахьэн лъэкlыщтыр сыд фэдиза; кlэлэцlыкlухэм мыщ гулъатэныр, егъэжьапlэу афэхъуныр ыкlи Адыгабзэ шlэныгъэм хашlыкlы хъунхэр ара? Мы упчьэхэм япэгъокl, гъогум тырыкlозэ тапэ къэкlыщт. Шъыпкъэр пlощтмэ, сэри мыщ зыфэзгъэсагъэу хъущт.
-Бзэр егъэшlэн курсым сыд фэдэ гухэлъа фышьиlэхэр, зэкlэлъыкlуакlэу ащ иlещтыр?
-Зомм зыфиlорэ програмэм тыхэтэу едгъэкlокlырэмкlэ, шlуфэс зэхын, цlэ лъэкуъацlэ ыкlи нэlуасэ зэфэхъун, псуныгъэм чlэупкlэн, лъытакlэ, псэушъхьахэр, шъо зэфэшъхьафхэр зыхахьэрэ зэдэгущыlэгъухэр lапчым къыридзэхэзэ, нэрылъэгъу lэпэlгъухэмкlэ щыдгъэгъозэщтых. Тилъэпкъ орэдхэр къызэдэтlохэм ахэм такъыдашъоу къыхэкlыщт. Ащ дакlоу зэрагъэшlагъэхэм атехыгъэу зэрагъэпэшыщт видео ушэтынхэр яттыщтых.
Къапlо хъущтмэ кlэлэцlыкlухэмкlи тэркlи егъэджэн гъэшlэгъонэу хъуным тыщэгугъу.
–Непэ щылэ мазэм и 21-рэ Дунэе Ныдэлъфыбзэхэм Ямафэ хэтэгъэунэфыкlы. Ащ тефэу lофэу ебгъэжьагъэр псынкlэ пфэхъунэу, уигухэлъхэр къыбдэхъунхэу пфэсэlо. Гущыlэгъу укъэзэрэтфэхъугъэм пае тхьаоегъэпсэу.
Адыгабзэм езгъэкIугъэр: МэфшIукъо Щенгюл
