Адыгеим щыщ спортсменым шъхьафит бэнакlэмкlэ Урысыем икlэлэеджакlохэм яя Хll-рэ гъэмэфэ спартакиадэ ифинал тыжьын медаль къыщихьыгъ.
Хэгъэгум ишъолъыр 50-мэ къарыкlыгъэ, илъэс 18-м нэс зыныбжь пшъэшъэжъые, шъэожъые 203-мэ Красноярскэ зыщаушэтыгъ. Килограмм 51-м нэс къэзыщэчыхэрэмкlэ Къэншъэо Рауль атекlуагъ. Тренерэу Тембот Анатолий ыгъэсэрэ кlалэм тыжьын медаль къыфагъэшъошагъ.
