Ҵәыббрамза 30 рзы, Аҟәа Ахьӡ-Аԥша апарк аҿы Аԥсны жәлар Рџьынџьтәылатә еибашьраҿы игаз Аиааира амш азы ашәҭшьыҵәрақәа рышьҭаҵарала аныҳәа ду амш азгәҭара аартын.
Агәаларшәаратә усмҩаԥгатә рхы аладырхәит атәыла ахада Аслан Бжьаниа, уи ихаҭыԥуаҩ Бадра Гәынба, Апарламент аиҳабы Лаша Ашәба, Адәныҟатәи аусқәа рминистр Сергеи Шамба, Аԥсны иҟоу Урыстәыла ацҳаражәҳәаҩ Михаил Шургалин, Аахыҵ Уаԥстәыла ацҳаражәҳәаҩ Олег Боциев, аиҳабыратә усбарҭақәа рхаҭарнакцәа, аветеранцәа, хатәгәаԥхарала еибашьуаз, ауаажәларра.
Аиааиреи Ахьыԥшымреи рымш 1993 есышықәса раахыс, цәыббра 30 рзы иазгәарҭоит Аԥснытәи архәҭақә.
Аԥсны Аџьынџьтәылатә еибашьраҟны игаз Аиааира 31 шықәса ахыҵра азгәарҭеит цәыббра 30 рзы.
Аԥсны Аиааиреи Ахьыԥшымреи рымш азгәаҭара иазкны аныҳәатә усмҩаԥгатәқәа мҩаԥысит Аҟәа.
Ахьӡ-Аԥша амемориа л аҿаԥхьа Аидгылара амҩаду аҟны арратә парад мҩаԥысит.
Шьаҿеиқәшәала имҩасит Аҟәатәи агарнизони, Урыстәыла АШәМ Аҳәаахьчаратә маҵзуреи, абыжьбатәи арратә базеи рыруаа, иааидкыланы 500-ҩык инареиҳаны.
Апарад напхгара азиуан атәылахьчара аминистр актәи ихаҭыԥуаҩ Беслан Ҵәыџьба, аусмҩаԥгатә идикылеит атәылахьчара аминистр Владимир Ануа.
Анаҩс, иалагеит акциа «Ԥсра зқәым архәҭа». Аныҟәара иалахәын аибашьра аветеранцәа, Аԥсадгьыл ахақәиҭразы зхы ақәызҵаз аибашьцәа рҭынхацәа, аиҳабыратә классқәа рырҵаҩцәа, астудентцәа.
Иҭахаз рфотосахьақәа кны Ахақәиҭра ашҭа аҟынтәи Аидгылара амҩаду ала Ахьӡ-Аԥша Амемориал аҟынӡа инеины Лакобеи, Леони, Гәлиеи рымҩақәа ирнысит.
1992-1993 шықәсазы, Аԥсны жәлар Рџьынџьтәылатәи еибашьраан каманда ҟаҵаҩы хадас иҟаз, Аԥсны Актәи Ахада Владислав Арӡынба имемориал амҵан ашәҭшьыҵәрақәа рышьҭаҵара ацеремониа мҩаԥысит Аҟәа араион Алада Ешыра ақыҭан. Асеремониа иалахәын; аибашьра аветеранцәа, еибашьраан иҭахаз рыуацәеи, рҭынхацәеи, ауаажәларра рхаҭарнакцәеи, Аԥсны жәлар Рџьынџьтәылатәи еибашьраҟны Аиааира агара Амш 31-шықәса ахыҵра иазку аныҳәатә усмҩаԥгатәқәа рылахәхарзы иааз аделегациақәеи, иара убас зқьырыла ауаажәлареи.
Иара убас аухаз; аиааира амш иазкны имҩаҧгаз, рацәала ашәаҳәаҩцәа злахәыз аконсертала аныҳәамш хрықәшан.
Атаман Кәыџба
