Ари аҧхын, Кафкас Хеидкылақәа Рфедерациа КАФФЕД, аҿар рзын аџьынџьтәыла аҭаара еиҿнакыит. Ҧасатәи еимдара, Ҧхынгәымза 26-Нанҳәамза 5 ирҭакӡаны, Аҧсны Аҳәынҭқарраҿ имҩаҧсит. Ҧхынгәымза 31-Нанҳәамза 5 рбжьара Ҟабарда-Балкар, Нанҳәамза 8-16 рбжьара Адыгьеи Ҳәынҭқарраҿы еимдара ҟалит. Аҧсны иазку агәаанагарақәа…
Аиныиара, нас аидыҵразы ажәабжьк…
Ақәа иаӡәыӡәаз адгьылқәа рыфҩы уарыҧҳа иҭарчыны аҧсыҧ лаугап, нас ублақәа нахаутылаак, иунырыз аҭынчра акуп угәынкылаҿы иаанхаз…
Иаҳзымдыроз адресақәа рҭыҧ ҳашьҭан, ахсаалақәа рҿы шқәсы рацәала афоҭосахьақәа ҳарыхәаҧшит…
Нас, мшкы ааны, уи адресаҿы аиныиаразы ҳаныҳәит…
Гәыхьаагарала, гәҩарала, гәыҕрала, гәыҕрадала гәаҳәара ҟаҳҵит…
Нас иаалырҟьаны ҳагәахәтәықәа ҳаарыхьӡит…
Ари, аиныиара, нас аидыҵразы ажәабжьк хацыркыра акәын…
Ҳаиҧылан, аҿар рла амҩа ҳақәлит, доусы агәыхыҭхыҭра иалахәын. Шәача ҳанылбаа, Демографиаҿ ауысуыҩцәа ҳашьцәа ааҳҧылан, гәыкала ҳагәыдырклит…
Нас жәа мниҭк рла Аҧсны аҳәааҿы ҳаҟан, ақәагьы ҳацны ҳаҧсадгьыл ҳаҭааит…
Ашарҧ аамҭа Аҟәа ҳаҟан, уи аҽны асасааиырҭаҿы ҳаҧсаҳшьит…
Аҿар, амҩаҿы реибадырра, асасааиырҭаҿы аиҩызарахь аҽаҧсахт…
Нас уи аҽны инаркны, асасадкылаҩцәа рҭаара хацыркхит гәахәарыла…
Сыҧсыҭанаҵы иысхашҭраны иҟам, аӡәымзараӡәы игәыкра, игәыхыҭхыҭра, иҿылашара…
Ҳаҧсадгьыл еимдара ҳаналага, ҧаса иаҳгәалашәаз, Анцәаду адунеи амилаҭқәа рзы реиҩышара ажәабжь акәхит.
Абнақәа рла ихаҟьо, субтропик аҳауа иалаку Аҧсны; џьанаҭ аҿынтә адунеи илыбааз кәақьра…
Ак ацкьыс ак ҧшӡаны, еиуеиҧшым ақалақьқәа, лакәк иалшәаны рҧсы ҭоу џьыушьап…
Амҩақәа рҿы, ҳахьцаз ақалақьқәа рҿы, ҳаҧсҭазаараҿы уажәы иаҳбаз ауаа, гәыкала иҳакәшит, лаҕырӡыла ҳагәыдырклит…
Шьоукы ҳамашьына аанырклит, шьоукы гәарабжьараҿ, хәыҳахәыҭраҿ иаҳҧылит.
Ҳаибадырӡоумызт аха, иаалырҟьаны ҳаибаиыхәт…
Урҭгьы шьҭас иҳало гәаҭара иаҿын…
Ҳаизакын, аха, аиҭакрақәа мҩасын абызшәақәа, ахсаалақәа рҿы…
«Сашьа дыбзанда дханҳәыуон иҧсадгьылахь, ҳажәла рҿынтә аӡә дханҳәыр, сашьа ихәҷы, имоҭас дшәыҧхьаӡа» ҳәа, ажәабжьқәа лаҕырӡыла ҳарзыӡырҩит… Ҳабдуцәа хьықәырцаз иабакәыз, иабартәыз?
Шьҭак ҳаҧшаауозшәа ҳанаҧшааҧшит…
Ҳабдуцәа рҳауа иҳаҧсыҧхит, рдгьыл ҳақәныҟәит…
Цәаныррала иҭәу аамҭақәа ҳарҭагылит…
Аҿар, ессы уаха иахьеимаҳдоз аҭыҧқәа рҿы, асасааиырҭаҿы, акәашараҿы рҟазарақәа аадрыҧшит…
Акәашара, аимадара, аилибакааразы маҭәархит…
Нас, иныиысыз аамҭа ҳазгәамҭаӡакәа, лаҕырӡыла ҳаидыҵт ҳауаажәлар рҿынтә, ҳаҧсадгьыл аҿынтә…
Уажәышьҭа ҳагәы абжа уаа иаанхит…
Харантәы адырреи, унеины уҧсы алархәыра, иеизаку цәаныррамызт…
Иаҳҵит… Ҳацәа иалашәит, ҳаҧсы ахаҳгит…
Ажәларқәа иззегьы, ахлымӡаах, афырхаҵара, агәкаҳара иазку ажәабжьқәа, дара рзын идууп, иҷыдоуп, еиуеиҧшымоуп…
Ҳара Кафкасаа, ҳазыҟәнырхыз адгьылқәа раҧхьа хырхәарагьы, ҳашьапы хьақәҳаргылаз адгьылқәа рқәшәҭрагьы иаҳдырит…
Есаамҭа иҳадаҳкыланы, ҳадацқәа аркыны ҳаныҟәит!
Пату ақәҵара, ҧсадгьыл бзиабара, есаамҭа закәанҵас иҵархит.
Ҳаҧсызлахәу адгьылқәа, ҳашьа каҳҭәит, ҳахақәаҳҵит! Иҳадаҳкылт!
Нас, ҳахазын аилкаара заҵәык ҳазыҧшит…
Аиеи.. Абарҭ, уи аҭоурых аамҭатәи ахҭысқәа роуп рҳәауаны…
Ауаагьы, ауаажәларгьы иҟарҵаз ақәшаҳаҭра ламысроуп…
Иҭабуп Аҧсны! Иҭабуп КАФФЕД! Иҭабуп Демографиа!
Ҳабдуцәа рыдгьылқәа рҿы аҧсыҧ лага-ҩагаразы, убраа шьаҿеиҵыхра разҟыс иахьҳауыз азы…
Ҳара разҟызмаз ҳакәын, иаҳдыроит, есаамҭагьы иаҳдырхоит.
Пату ақәҵарала… Хырхәарала… Абзиараз…
Мшкызны ҳаиныиит, Ҳаиныиахоит…
Аҩӡыҧҳа Неслиҳан
Џьан-Агрупа Хада
Еџьеназ Чоқла: Раҧхьаӡа, ҳаџьыынџьтәылахь ааҧхьара аҳзыҟарҵан азы, сҩызцәа рхьӡала иҭабуп сҳәар ысҭахуп. Ҳа ҳазыҳәангьы даара ишьаху ҧшәахит, жәлак иахылҵыз ҳазыҟацәа рла ҳаибадырит. Иара убас, ҳахьныҟәаз аҭыҧқәа рҧшӡара ҳахцәажәозар; зегь шьахәун, ҧшӡала аиҧыларақәа ҳауит. Шәара ҳаиҳабцәа; Омер Аби, Неслиҳан Абла, Иасемин Абла, Сабаҳаҭ Ҳала, Берқан Аби, нас арҭ раамышьҭахь, минутк иҳадмыҵыз Инал Аби, шәыззегьы сышәхаҭабуеит. Шьежьгьы-аухагьы ҧсшьара ҟамҵакәа ацхраара ҳагышәмыжьит, шәшаҭара ахаангьы хашҭра ақәхом, ишәдыроузааит. Зегь рзын ҳаҭабуеит, аҳәара ҟаҳҵоит, иаарласны еиҭа аиныиаразы.
Беррин Озқан: Ари жәамш иҭагӡаны иҳавагылаз, џьабаа ҳадызулаз зегь рзы иҭабуп сҳәоит. Аамҭа маҷк иҭагӡаны, аиҩызара, агәалашәара шьахәқәа исзынхит. Сџьынџьтәыла ақәыҧшра иахьсылрыршаз азы сразҟы шбзиаз здыруеит. Ари аҧышәара, зегьы рҧсҭазаара иаларҵап, ҳаргьы ҩаҧхьа ҳаџьынџьтәыла аҭаара ҳалшахп, ҳаиныиахп ҳәа агәыҕра смоуп.
Қенан Аи: Ҧшәара бзиак ҟалит. Ҳаџьынџьтәыла, ҳабдуцәа рдгьылқәа бара даара ишьахәун. Смҩалацәа, сҩызуцәа, Кафкас ала реимадара ҧмҵәар ҳәа гәаҳәара смоуп. Ҳагәалашәарахь аанхара ада.
Барҭу Џьан: Аҧсны ҭыҧ шананы иҟоп, ҷыдала Риҵа Џьанаҭ иаҩызоуп… Еиуеиҧшым ауаа рла аибадырра, ҳабдуцәа иахьықәынхоз ҭоурыхтәи дгьылқәа рқәгылара, еиҧшра змам алшаран… Ари ҳаҧхьа иқәзыргылаз ҳаиҳабцәа, зегь иҭабуп ҳәа расҳәоит.
Дениз Еришьен: Ҳаџьынџьтәыла еимдара даара иҧшӡан, ибзиан. Аҧсны даара бзиазбит. Ажәлар, аҧсабара, аҭоурых… Аџьынџьтәыла аҭаара бзиан. Сҭаацәа рла, хымҧада ҩаҧхьа сцахуеит. Иҭабуп Аҧсны Аҳәынҭқарра, КАФФЕД, нас ари еиҿкаараҿы ацхыраара ҳазҭаз ҳаиҳабцәа…
Берқан Иылмаз: Аҧсны саҭааны адгьыл схьақәгылаз азы даара сгәалаҟоуп. Ҳаицны жәамш ҧшӡа аҳхаҳгыит. Ари еиҿкаара џьабаа адызулаз зегь рзы сҭабуеит. Ҩаҧхьа аибабаразы, гәаҳәарыла…
Оқҭар Қубан Иылмаз: Абас сҳәар ҟалоит; жәамш рыла сҭоурыхгьы, сџьынџьтәлагьы гәсҭит, ҩызцәақәакгьы сдыскылт. Аҧсны Аҳәынҭқарра шшьақәгылаз, убри азы изоу қәҧарақәа цаз еилыскааит. Аҧсны туристика ҭыҧқәагьы, арҭ аҭыҧқәа ариҟара интересис изыркугьы гәасҭит.
Иусуф Озбеқь: Аҧснытәи аҧсшьара сара сзын даара бзианы имҩанысит. Ҿыц аибадыррақәа, аҭыҧқәа бара, уаатәи акультура гәаҭара сара сзын ҧшәара бзиан. Ари аҧсшьара ахарҭа адызҵаз иҭабуп ҳәа расҳәоит.
Ҳиранур Аслан: Зегь рзын сырҵаҩцәа иҭабуп ҳәа расҳәоит. Ҳанханҳәыуаз даара сгәы сыхьт, уаагьы ҳазниақәазгьы гәыхьааҳгоит. Схала исҳәозар, даара сгәалаҟоуп.
Ибраҳим Берқан Иылмаз: Ари еқсҧедициа шана азы алшара ҳазҭаз Аҧсны Аҳәынҭқарра, нас иҳаваглаз ҳаиҳабыцәа иҭабуп ҳәа расҳәоит. Ауаҩтәиса шанақәа рла ҳахьеибадырыз азы даара сгәалаҟоуп, аиҩызара азын зегь иҭабуп ҳәа расҳәоит.
Ела Ҭеқир: Раҧхьа иргыланы, ари жәамш ҧшӡа ҳалахәны ҳаџьынџьтәыла еимдара азы алшара ҳазҭаз ҳаиҳабыцәа иҭабуп ҳәа расҳәоит. Ари аамҭа, зегь рзы иҳацыз сашьа-саҳәшьа еиҳабцәа иага срҭабуазаргьы иазхоушам. Рацәала аибадыррақәа рзы даара сгәалаҟоуп. Ҩаҧхьа еибабара гәаҳәарыла, абзиаразы.
Афотосахьақәа: Неслиҳан Џьан
Еиҭазгаз: Есаҭ Ахба
