ГIАДУЖУ-БЕТТАН ДОЦА КЕРЛАНАШ
- ГIадужу-беттан 5-чу дийнахь Нохчийчоьнан коьртачу гIалан 206 шо кхачар даздина. Оцу денна лерина Грознехь дIаяьхьира объекташ схьаелларан церемонеш а, халкъан фестивалаш а, концертан программаш а. И дерриг а чекхделира бес-бесара петарш, цIерш кхоссарца.
- ГIадужу-беттан 15-чу дийнера 18-чу дийне кхаччалц Соьлж-ГIалахь дIахьур ю Эсамбаев Махьмудан цIарах йолу XV Дуьненаюкъара соло-хелхаран фестиваль-конкурс. Цу барамехь дакъалоцур ду тайп-тайпанчу пачхьалкхашкара 60 сов декъашхочо, хаам бо Нохчийнчура културан министро.
- Сухум а, Грозный а «йижари»-гIаланаш хиллар дIакхейкхина Абхазин коьртачу гIалан администрацин зорбанан сервисо. Цу хьокъехь барт бина Сухумин администрацин куьйгалхочо Эшба Беслана а, Нохчийчоьнан коьртачу гIалан мэро Кадыров Хас-Магомеда а. Соьлжа гIала Сухум гIалаца цхьаьна болхбийр бу Iилманан, техникан, дешаран, културан, гуманитаран, экономикан, спортан а, туризман а декъехь.
- Веданан кIоштахь дIаяьхьира нохчийн поэтан Тугузов Асламбекан поэзин суьйре. Цунах лаьцна хаам бина Веданан муниципалан кIоштан администрацин куьйгалхочо Абдулазизов Турпал-Iалис.
- Кху шарахь массо а категорешкахь латтан бахамашкахь 11 432 гектар ялта дIадийна. Таханлерчу дийнахь 2500 гектар тIехь ялта гулдина, ткъа ялта гулдинарг 8 эзар тонне кхаьчна, хаам бо Нохчийнчоьн юьртабахаман министро. ДIадуьйш коьртачу декъана махкахь къастийна Краснодарера хIуш леладора.
- Берийн кхоллараллин фестиваль чекхъяьлла Нохчийчохь. ПохIма долу бераш а, берийн-кегийрхойн тобанаш а къасторан а, царна гIодаран а Iалашонца вовшахтоьхна ерриге а республикера къона похIма болу кегирхой: исбаьхьаллин искусство тIера мукъамашка, хелхаршка, поэзе кхаччалц чулоцуш.
- 2012-чу шарахь Нохчийчоьнан парламенто къобалйира хьалха Совет Iэдало дIаяьхна йолу Чеберлоевски а, Галанчожски а кIошташ меттахIитторан хьокъехь долу низам. Оццу шарахь Iедало чIагIйира ГаланчIожан кIошт меттахIотторан белхан план. Таханлерчу дийнахь цхьа эзар сов доьзал бу цу кIошта дIакхелха лаам болуш, царех 100-ммо хIинцале а латтан дакъош дехар дина.
- Нохчийн пачхьалкхан университетан лицейн оьрсийн меттан а, литературин а хьехархо – Тазуркаев Изнаур Ерригроссин «Оьрсийчохь шеран хьехархо 2024» конкурсан тоьлла меттиг эцначарехь цхьаъ хилира.
- ГIадужу-беттан 22-чу дийнера 24-чу дийне кхаччалц Нохчийчоьнан коьртачу гIалах дIахьур ю VIII «Мебель & Интерьер – 2024» цIе йолу гайтам. Мероприяти вовшахтоьхнарг ю «ActiveExpo” цIе йолу гайтаман компани. Гайтаман бизнес-программин гурашкахь лерина ю интерьеран дизайнехула йолу мастер-классаш, мебель кечъяран семинараш.
- ГIадужу-беттан 10-чу дийнахь Соьлжа-ГIаларчу Пачхьалкхан галерейн гайтаман залехь Россин Суртдиллархойн Союзан Нохчийн регионан декъан гIараваьллачу декъашхочун Дибиров Джабраилан гайтам хира бу. Россин Федерацин культурин хьакъволу белхахо Ильясов Адам цIарах лерина бу и гайтам.
- Грознехь дIаяьхьира гIалин школашкар вовшахтоьхначу тобанашна юкъахь республикин атлетикан Спартакиад. Цунах лаьцна хаам бина Соьлжа-ГIалин мэрин дешаран департаментан пресс-гIуллакххоша. Массо школашкар 368 сов дешархочо дакъалецира къовсамехь, тайп-тайпанчу атлетикан дисциплинашкахь шайн говзалла гойтуш.
- Дуьненаюкъара парашютистийн къийсадаларш чекхдевлла Нохчийчохь. «Гудскийн» цIарахчу парашютистийн центрехь дакъалоцуш бара Казахстанера 115 спортхо, иштта Оьрсийчоьнан 18 регионера а.
- ГIадужу-беттан 7-чу дийнахь ерриг а пачхьалкхехь, Нохчийн Республикехь а йолуш, дIайолаелира «Къаьстина ахчан кIира» цIе йолу акци. Цунах лаьцна хаам бина Оьрсийчоьнан банкан зорбанан сервисо. Акци лаьттар ю ГIадужу-беттан 20-гIа де тIекхаччалц. Оцу муьрехь регионерчу бахархойн аьтто бу Соьлжа-ГIаларчу а, Урус-МартантIерчу а, Аргунерчу а, Гудермесерчу а, Ачхой-МартантIерчу а, Курчалойн а коммерцин банкийн филиалашкахь, комисси а ца луш, гулделла къаьстина ахчанаш хийца.
- ГIадужу-беттан 4-чу дийнера 6-чу дийне кхаччалц ХIинжа-ГIалахь дIаяьхьира берийн командан шахматийн Каспийски кубок. Цу мероприятешкахь дакъалоцуш яра Къилбаседа Кавказан федералан гонан регионашкара тобанаш, хIоранна а юкъахь кхо кIант а, цхьацца йоI а яра Нохчийчуьрчу декъашхочо Шаипова Раббияс 9 баллах 7 балл а яьккхина, хьалхара меттиг йакхара.
- Пензехь дIаяьхьира Ерригроссин берийн нека дарн лиган турниран 4-гIа этап, цигахь вовшахкхетта Россин 29 спортан школан векалш, шайна юкъахь Нохчийчоьнан векалш а болуш. Къовсадаларийн жамIашна тIе а тевжаш, совгIаташ иштта декъна: Дадашев Iабдул-Малик – деши (100 м медлей), дети (100 м паргIат кепехь, 50 м паргIат кепехь а, 200 м паргIат кепехь а Тулаев Ноха – дети (100 м медлей.), бронза (50 м паргIат кепехь а, 100 м паргIат кепехь а). Умхаев Дени – бронза (50 м паргIат кепехь).
- Advertisement -
