Уиныдэльфыбзэ гъэгъунэ!

Мэзаим и 21-рэр, ООН-м Гъэсэныгъэм Шlэныгъэм ыкlи Културэм я Къэкъэгъунэн дэлажьэрэ ЮНЕСКО-м Лъэпкъхэм Яныдэльфыбзэ и мафэу ыгъэнэфагъ. Шэкlогъум и 17-м 1999-рэ илъэсым а унашъом кlуачlэ иlэ хьугъэ. 2000-рэ илъэсым щыублагъэу, дунаим щыпсэурэ лъэпкъ зэфэшъхьафхэм якултурэ, яныдэльфыбзэ кlуачlэ иlэу хьуным фэшl «Дунае Лъэпкъхэм я Ныдылъфыбзэ и Маф» ыlоу ар хагъэунэфыкlы.

Непэ дунаим ныдэльфыбзэ мии 7-м щырэгущыlэх. Ахэм ащыщэу 2.500-рэм кlодыжьыным ищынагъо ашъхьащытэу агъэнафэ. Тыркуер пштэмэ, бзэ зэфэшъхьафэу 36-рэм щыlэныгъэм щырэгущыlэх, ау ЮНЕСКО-м зэритхырэмкlэ ахэм ащыщэу бзи 3-р кlодыжьыгъэ; Млашхо, Каподокия Грекыбзэр ыкlи Убыхыбзэр. ЮНЕСКО-м «Кlодыжыьыным и Щынагъо Зышъхьащыт Бзэхэм я Атлас» иджыри бзэ 18-р кlодыжьыпlэ итэу къыщегъэлъагъо. Адыгэ-Абхьазыбзэр ахэм ахахьэ.

Станбул Мэзаим и 21-рэр

Уиныдэльфыбзэ гъэгъунэ!Темыр Кавказ Обшествынэ Организациехэм я Платформ зэхэтэу, Дунэе Ныдэльфыбзэхэм я Мафэ фэгъахьыгъэу зэхахьэ зэхищэщт. Мэзаим и 26-рэм бэрчэшхом сыхьатыр 20.00-23.00-м ар Станбул хьаблэу Эюбсултан Културэм ыкlи Исскуствэм я Гупчэ щыкlощт. Хасэ 20-м илlыкlохэу бзэхэм язэфэсышхо Адыгэхэр, Абхьазхэр, Щэщэнхэр, Къэрэщайхэр ыкlи Осэтынхэр хэлэжьэщтых абзэхэмкlэ усэхэм къяджэщтых, орэдхэр къаlощт, лъэпкъ къашъохэр къашlыщтых, хор зэхэтэу музыкэ щыlэщт. Зэфэсышхом мэкъэгъэlу «Бзэ зимыlэм лъэпкъ иlэп» гущыlэхэр пхырыщыгъэх.

Станбул

Эгитим-Сен зыфиlоу Станбул и я 8-рэ Филиял, Мэзаим и 21-рэ Дунэе Ныдэльфыбзэхэм я Мафэ хэгьэунэфыкlыщт. Зэlукlэм Адыгабзэкlэ кьыщыгущыlэщт Гьэзэтэу Жьынэпсыр Кьыдэзгьэкlыхэрэм ащыщэу Эрдоган Илмаз.

Анкара

Эгитим-Сен зыфиlорэм и я 2-рэ Къутамэ, Мэзаим и 21-рэм зэхахьэ щызэхищэщт. Анкара Черкес Хасэм илlыкlоу Эрдоган Боз ащ къыщыгущыlэщт. Тыркуем щыпсэурэ «Черкес лъэпкъым яжабзэхэр непэ чlыпlэу зэрытхэр, ащ къиныгъоу зэпачыхэрэм ыкlи lофыгъоу зэрахьэхэрэм» ягугъу къышlыщт. Сыхьатыр пчыхьашъхьэм 19.00 рагъэ-жьэщт. Адресыр: Эгитим-Сен и я 2-рэ къутам.

ДЕМ Парти

ДЕМ Партием и Парла-ментарнэ Куп Мэзаим и 18-м зэфэс иlагь, Партием и я 2-рэ Тхьаматэу Батырхан Тунджер тхьамафэм и хьугьэ шlагьэ шьхьаlэхэм ягугь ащ кьыщишlыгь. Мэзаим и 21-рэм Дунэе Ныдэльфыбзэхэм я Мафэ ехьылlагьэу Бейза Зейно Байрамоглу – Хьурджыбзэкlэ, Хьурие Щахин-Хемщиныбзэкlэ, Мурад Мыхчы-Ермэлыбзэкlэ, Билге Экен-Адыгабзэкlэ, Джумхур Бал-Абхьазыбзэкlэ, Феридэ Актуран-Зазакибзэкlэ, Етер Чевик-Курманчибзэкlэ, Гиорги Аслан-Сюриянибзэкlэ кьыщыгущыlагьэх.

ДЕМ Партием и Кьутамэу Кадыкёй хьаблэм щылажьэрэм, Мэзаим и 21-рэ Дунэе Ныдэльфыбзэхэм я Маф фегьахьыгьэ зэlукlэр Мэзаим и 22-рэм зэхищэщт. Ащ хэлэжьэщт, гьэзэтэу Жьынэпс иlофышlэу Эрдоган Илмаз.