• Тушолин беттан 25 дийнахь Нохчийн меттан де даздеш Нохчийн Республикин коьртачу г1алахь дIаяьхьира культурин а, спортан а, дешаран а барамаш. Дезчу дийнан сий деш, Грозный-гIалан дешаран системехь мероприятеш дIаяьхьна. Соьлжа-ГIалин школашкахь дIаяьхьира гIалин семинараш, конкурсаш, форумаш, классан сахьташ. Нохчийн меттан денна лерина цхьаьнакхетар хилира Омаев Дагунан цIарахчу даздарийн цIачохь. Цигахь дIаяьхьира концерт а, къоман нохчийн суртдиллархойн, говзанчийн гайтамаш а.
• Соьлжа-ГIалахь, Сийлаллин Мемориалан комплексан территори тIехь, дIаяьхьира профсоюзийн 1-чу майн акци, хан нисъелира белхалойн бартболу денца – Х1утосург-беттан 1-чу дийнахь дара иза. Цигахь дакъалоцуш вара 3500 гергга республикин вахархо а, хьеший а.
• Нохчийн Республикин А. Айдамировн цIарахчу къоман библиотекехь заьIапхошна юкъахь шахматийн а, шашкийн а турнир дIаяьхьира.
• Тушоли-беттан 28-чу дийнахь, 18:00 сахьт даьлча, Irse De Residence залехь хир йу 2024 шеран илли совгIатан гала-пхьор. Д1адахан деношкахь «Шеран илли» коьртачу номинацехь толам баьккхинарг вара Эбиев Ильяс. «Шеран керла веънарг» цIе тиллина – Джанаев Мансурна а, вежаршна ЧантиевгIарна а. Шамаева Эмилия билгалъяьккхина «Шеран дебют» категорехь. “Шеран иллиалархо” цIераш яьхна Хаджимурадова Радимас а, Байкаев Мурада а. «Шеран тоьлла соло-концерт» совгIат а делира Байкаевна. Жанран совгIаташна юкъахь къаьсттина билгалдевлира: «Тоьлла лирикан композици» – Шарипов Увайс, «Тоьлла хелхаран композици» – Еснакаева ПетIимат, «Тоьлла эстрадан композици» – Кавраева Малика, «Иллин тоьлла кавер-верси» номинацехь толам баьккхира Кондаров Виситас. “Дашо фонд” категорехь – Гадаев Валид, “Хьовсархойн совгIат” – Матаев Ахьмед. Шеран тоьлла композитор билгалъяьккхина йу Дадашева Тамара, Ахмедов Ислам тоьлла аранжировщик, тоьлла лирик Асхабова Медни.
• Хойн историко-архитектуран комплексехь дIаяьхьира республикан хореографин исбаьххьаллан фестиваль-къийсам “Хелхаран суьйре” ц1е йолу, кхин а “Баккхийчу говзанчийн ирс” ц1е йолу фестивалехь дечигах а, тIулгах а говзанчийн цхьаьнакхетта шейн зеделларг дуьйцуш, гойтуш хилира.
• Кхуьуш йолчу Оьрсийчуьрчу брендийн «Вайнаш боьвза» къийсамашкахь дакъалаьцна Нохчийчуьрчу 10 компанино. Кху шарахь кхозлагIа а хир ю иза. Таханлерчу дийне кхаччалц нохчийн 10 компанино хIинцале а оцу къовсамехь дакъалаца заявкаш чуелла хилар.
• Нохчийчохь автомобилаш еш йолу экономикан дакъа сиха кхуьуш ду, оцу процессехь коьрта дакъа лоцуш ю «Чеченавто» предприяти. Стохка заводо арахийцира 7500 LADA Granta машен а, 400 GAZelle NEXT а.
• Кху баттахь ерриг а Оьрсийчоьнан субботникехь дакъалоцуш вара Нохчийчоьнан 20 эзар сов вахархо. Субботник йира Соьлж-ГIалахь «Соьлжа-г1алан х1орда» комплексан территори тIехь йолу паркехь.
• Исторехь дуьххьара, нохчийн археологашна Ахмаров Азаматна а, Исаев Султанна а карийна IV бIешо гергахь хилла аланийн паччахьан дIавоьллина меттиг. «Iалхан-Кала» ц1е йолу барзанаш тIехь таллам бан болийра цара. Тахана вай археологашна карийначу барзанан кашчохь хIуманашна юкъахь ю турмалинех а, дешин дIаьвшех а, гранатан, кхин тейпан деза тIулгах а, йина йолу говр д1айожа г1ирсанаш, герз, тейп-тейпана п1елг т1едулш ч1агарш, ангалин а, металлех йина а пхьегIаш а йу.
• Тушоли-беттан 14-15-чу деношкахь Грозный-гIалахь дIахьур ю хIора шарахь дIахьош йолу гIишлошъяран, индустрин секторан а дуккха а дисциплинийн “ЧеченСтройЭкспо – 2025” гайтам. Оьрсийчоьнан регионашкарчу а, Нохчийчуьрчу а 100 сов гIишлошъяран промышленностан предприятеш, сурсаташ арахоьцучу а, йохк-эцаран а компанеша дIакхайкхийна гайтамехь шаьш дакъалоцур ду аьлла. Гайтаман адрес: Грозный, Лев Яшин урам, 19-гIа корпус, чоьхьара футболан арена.
• С. Михалковн цIарахчу берийн библиотекехь дIаяьхьира «Гран-при Вайнах 2025» цIе йолу, 2012-чу шарахь дуьненчу бевллачу а, цул кегийчу дешархойн а юкъехь шахматийн республикански турнир «Апрель-2025» ц1е йолу. Дакъалоцуш вара цигахь 25 стаг.
• Кху шарахь ипподромехь 11 де къийсамашках дIаделира. Даимна ма-хиллара, кхо шо кхаьчначу говрашна лерина коьрта къийсадаларш хир ду аьхка: Царехь цхьаъ Товбецан-баттахь хир ду «Соьлжа -г1алан окса» а, «Соьлжа-г1алан дерби» а ц1ерш йерш, ткъа Марсхьокху баттахь 8-чу дийнахь ипподромехь дIахьур йу цу сезонан уггаре а даккхийчу къийсадаларн юккъехь цхьаъ йолу Ерригроссин Гранд-при (Дерби) бохуш ерг.
• “Ламан аз” адаптивни спортан футболан клубо Сочи-гIалахь дIаяьхьначу ЗаьIапхошна, могашаллин таронаш кIезиг йолчу нахана а юкъахь нисйина йолу Ерригроссин футболан союзан кубокан фестивалехь дашо мидал яьккхира.
Хьосташ: chechnyatoday.com
Милана Айдамирова К.
