«Gerem» цIе йолу духаран марка тайна тхуна интернетчохь. ЧIогIа хаза даьхна суьрташца тегна нохчийн духар гойтуш бара уьш. Ткъа керла заманца дохуш духар а дара иза. Тхо сатесна дара уьш муьлша а бу, мичара а бу хаа.
Милана Айдамирова К.
Оха яздина долу кехатна жоп деара. Такха цхьа жимма ша йовзийтара, тхуна жоп делар цо:
-Сан цIе Радима ю. Са 21 шо ду. Со тейпан Бено а йолуш цIеран Оьла-махкара ю.
Суна, сайн бераллехь дуьйна, хаара суо мила хир йу а, дахарехь айса хIун дийр ду, хIун лелор ду а. ХIунда аьлча, суна даима а пIохмаллийн белхаш хазахеттара. Цундела, юккъерчу школехь доьшуш йолуш хенахь ас сацам бира- со духар тоьгуш модельер хир йу. Духаран брендан цIе ‘Gerem’ тилла лиъна суна, сан дайшна сий деш.
Сан доьзало гIо дина суна корматаллийн харжам тIехь, тахана а гIо до цара суна. Карарчу хенахь гIон тоба йоцун дера, сан тоба сан доьзал а, доттагIий а бу. Иза, хьакхалуш хуьлийла лаьмнашка хьалвахар я кхечанхьа ваха-ван оьшучу муьлххачу метте, йа суьрташ, гайтарш даккхар хуьлийла –суна йуьххьехь берш уьш бу. Духаран стиль хоржуш хенахь вайн халкъан ламастех похIма оьцу ас.
Цхьацца наха гIорторш йеш суна меттигаш а хуьлу амма дукха хьолахь сан белхаш нехан дегнашкахь жоп оьцу. Цундела, йоккхайеш кхин а дика белхаш бан, къахьега а дог доуьйту цара сан. Цхьацца негатив хилча а ас тидаме цаоьцу.
«Gerem» цIе йолчу сайн проектца къоман духарна шолгIа са дала гIерта со. Мелла а керлачу кепехь уьш йан ойла а еш, кху замнахь цунна меттиг хилийта, уьш наха лелайан йиш хилийта а.
Духаран дизайн: @Gerem
Суртдаккхархо: Иман @sosoriiiii
