Станбул Кавказ Културэ Хасэм, Мэкъуогъум и 15-м и я 57-рэ зэфэс иlагъ. Кавказ лъэпкъхэм я зыкlыныгъэ, язэкъошныгъэ, якултурэ лъагъэкlотэн фэш пшъэрыл зыфэзгъэуцужьыгъэ Станбул Кавказ Културэ Хасэм нэбгырэ 200-м ехъу къекlолlагъ. Хасэм хэтхагъэу хэт нэбгыри 139-рэм амакъэхэр фатыгъ «Станбул Кавказ Хасэр-Тиунэ» зыфиlоэрэ хэсашъхьэм.
Зэфэсым къекlолlагъэхэм зэдаштэу уставым щыщ пункти 3-р зэблахъугъ:
1- Хасэм хэтхагъэхэм къатырэ мэзапкlэм хэгъэхьон.
2- Уставым хьулъфыгъэ е бзылъфыгъэ зыфиlорэ квот пункт хэгъэуцон. Мы пунктым игъусэу уставым, хэсашъхьэмрэ уплъэкlокlо купымрэ япчьагъэ бзылъфыгъэ е хьулъфыгъэу хэтхэм япчьагъэ, зэфэсым хэлэжьэнэу фитныгъэ зиlэхэм языщанэ мынахь мэкэlнэу-зыфиlорэрэ хагъэуцуагъ.
3- Хэсашъхьэм хэтыщтхэм 1/4 м мынахьыбэу, илъэс 18-30-зыныбжьхэу хасэм хэтхагъэхэм ащыщэу щытын фае.
Станбул Кавказ Културэ Хасэм Тхьаматэу хадзыгъэ Шэуджэн (Хьаткъо) Юксел Динчер ыкlи хэсашъхьэм тафэгушlо, шьугъогумафэх ятэlо.
