Бадзэуэгъуэм и 1, гъубж
• Зауэ зэпэщlэтыныгъэм хэта ветеранхэм я махуэщ.
• 1957 гъэм Москва и Театр Иным щызэхэтащ Къэбэрдейр езым фlэфlу Урысейм зэрыгухьэрэ илъэс 400 зэрырикъум и щlыхькlэ къызэрагъэпэща, Къэбэрдей-Балъкъэр АССР-м и гъуазджэмрэ щэнхабзэмрэ я лэжьакlуэхэм ята иужьрей концертыр.
• 1981 гъэм КъБР-м и цlыхубэ усакlуэ Кlыщокъуэ Алим СССР-м и Тхакlуэхэм я зэгухьэныгъэм и правленэм и секретару хахащ.
• 1934 гъэм къалъхуащ философие щlэныгъэхэмкlэ доктор, КъБР-м щlэныгъэмкlэ щlыхь зиlэ и лэжьакlуэ Джатэгъэжь Владимир.
• 1949 гъэм къалъхуащ шэрджэс жылагъуэ лэжьакlуэ, ДАХ-м и Гъэзэщlакlуэ гупым хэть Lэдэмокъуэ Альберд.
• 1980 гъэм къалъхуащ Китайм и къалащхьэ Пекин къалэм 2008 гъэм щекlуэкlа Олимп джэгухэм алыдж-урым бэнэкlэ лlэужьыгъуэмкlэ чемпион щыхъуа Хъущт Аслъэнбэч.
Бадзэуэгъуэм и 2, бэрэжьей
• Спорт журналистым и дунейпсо махуэщ.
Тенджыз, псы флотым и лэжьакlуэхэм я дунейпсо махуэщ.
• Днепр псым и дунейпсо махуэщ.
• Уфологым и дунейпсо махуэщ.
• 1964 гъэм «Къэббалъкъгаз» lуэхущlапlэр къызэрагъэпэщащ.
• 1913 гъэм къалъхуащ шэрджэс усакlуэ Гъуэщокъуэ Хъусин.
Бадзэуэгъуэм и 3, махуэку
• 1991 гъэм РСФСР-м и Совет Нэхъыщхьэм унафэ къищтащ Адыгей, Къэрэшей-Шэрджэс, Горно-Алтай, Хакассие автономнэ областхэр Адыгэ Республикэ, Къэрэшей-Шэрджэс Республикэ, Алтай Республикэ, Хакасие Республикэ жиlэу зэхъуэкlыным теухуауэ.
• Къэрэшей-Шэрджэс Республикэм щыпсэу лъэпкъхэм я зэкъуэтыныгъэм и махуэщ
• 1957 гъэм СССР-м и Совет Нэхъыщхьэм и Президиумым и Указкlэ Къэбэрдей-Балъкъэрым Ленин орденыр етlуанэу къыхуагъэфэщащ
Бадзэуэгъуэм и 4, мэрем
• Кооперативхэм я дунейпсо махуэщ.
• 1848 гъэм Маркс Карлрэ Энгельс Фридрихрэ я «Коммунист партым и манифест» лэжьыгъэр къыдэкlащ.
• 1766 гъэм къалъхуащ убыххэм я дзэпщ цlэрыlуэу щыта, Кавказ зауэм и лlыхъужь Бэрзэдж Дэгумыкъуэ Хьэжы-Исмэхьил.
• 1920 гъэм къалъхуащ Совет Союзым и Лlыхъужь Къардэн Къэбард.
1967 гъэм къалъхуащ тележурналист Жэман Мадинэ.
• 1975 гъэм къалъхуащ дунейм бэнэкlэ хуитымкlэ и чемпион Бажэ Заудин.
Бадзэуэгъуэм и 5, щэбэт
• Лэжьэрейм и дунейпсо махуэщ.
1957 гъэм Налшык Лениным и фэеплъ къыщызэlуахащ.
• 1663 гъэм къалъхуащ Къэбэрдейм и пщы уэлий, Къэнжал зауэм текlуэныгъэр къыщызыхьа адыгэдзэм и пашэу щыта Хьэтlохъущокъуэ Кургъуокъуэ.
• 1900 гъэм къалъхуащ шэрджэс тхакlуэ Абыкъу Хъалид.
• 1930 гъэм къалъхуащ филологие щlэныгъэхэмкlэ доктор, ЩLДАА-м и академик Апажэ Мухьэмэд.
• 1941 гъэм къалъхуащ медицинэ щlэныгъэхэмкlэ доктор, ЩLДАА-м и академик Даут Юрэ.
1946 гъэм къалъхуащ КъБР-м щlыхь зиlэ и юрист, СССР-м спортымкlэ щlыхь зиlэ и мастер Алий Сулеймэн.
• 1963 гъэм къалъхуащ КъШР-м и Цlыхубэ Зэхуэсым и депутат, «Абазашта» газетым и редактор нэхъыщхьэ, КъШР-м щlыхь зиlэ и журналист Къул Фирдаус.
Бадзэуэгъуэм и 6, Тхьэмахуэ
• 1557 гъэм Къэбэрдейр езым фlэфlу Урысейм гухьащ.
• 1957 гъэм КъБАССР-м и Совет Нэхъыщхьэм и гуфlэгъуэ сессие зэхэтащ. Ар теухуауэ щытащ Къэбэрдейр езым фlэфlу Урысейм зэрыгухьэрэ илъэс 400 зэрырикъуам икlи республикэм Ленин орденыр етlуанэу къызэрыратам.
• 1954 гъэм къалъхуащ къэрал лэжьакlуэ, Тэрч щlыналъэм и щlыпlэ администрацэм и унафэщlу щыта Пэнагуэ Максим.
• 1957 гъэм къалъхуащ экономикэ щlэныгъэхэмкlэ доктор, КъБКъМУ-м и профессор Мысачэ Валерэ.
• 1960 гъэм къалъхуащ техникэ щlэныгъэхэмкlэ доктор, КъБКъМУ-м и профессор Сэхъурокъуэ Анатолэ.
Бадзэуэгъуэм и 7, блыщхьэ
• Осетие Ищхъэрэ – Аланием щагъэлъапlэ Республикэм и махуэр.
• 1971 гъэм Кlыщокъуэ Алим СССР-м и Литературэ фондым и унафэщlу хахащ.
• 1946 гъэм къалъхуащ усакlуэ, тхакlуэ, Адыгэ Республикэм щlыхь зиlэ и журналист Хъурмэ Хъусен.
• 1968 гъэм къалъхуащ политик, КъБР-м и Парламентым и депутат lэпщэ Заур.
Бадзэуэгъуэм и 8, гъубж
• Аллергие узыфэм ебэныным и дунейпсо махуэщ.
• нагъуэм, лъагъуныгъэм, зэхуэпэжыным я урысейпсо махуэщ.
Бадзэуэгъуэм и 9, бэрэжьей
• 1917 гъэм къалъхуащ Совет Союзым и Лlыхъужь Къардэн Къубатий.
• 1931 гъэм къалъхуащ АР-м и цlыхубэ усакlуэ, драматург, УФ-м щэнхабзэмкlэ щlыхь зиlэ и лэжьакlуэ Бэрэтэр Хьэмид.
• 1932 гъэм къалъхуащ сурэтыщl lэзэ, СССР-м и Художникхэм я зэгухьэныгъэм хэт Хьэжу Руслан.
• 1941 гъэм къалъхуащ адыгэ еджагъэшхуэ, ботаник, жылагъуэ лэжьакlуэ Хьэкъун Барэсбий.
• 1942 гъэм къалъхуащ КъБР-м мэкъумэш хозяйствэмкlэ щlыхь зиlэ и лэжьакlуэ Беслъэней Чэмал.
Бадзэуэгъуэм и 10, махуэку
• 1922 гъэм къалъхуащ КъШР-м и цlыхубэ усакlуэ, Абхъазым щэнхабзэмкlэ щlыхь зиlэ и лэжьакlуэ Хьэнфэн Алим.
• 1931 гъэм къалъхуащ УФ-м щlыхь зиlэ и юрист Щоджэн Lэбу.
• 1932 гъэм къалъхуащ КъБР-м щlыхь зиlэ и артисткэ Срыкъуэ Хьэмщlасэ.
• 1934 гъэм къалъхуащ химие щlэныгъэхэмкlэ доктор, КъБКъУ-м и профессор, КъБР-м щlэныгъэхэмкlэ щlыхь зиlэ и лэжьакlуэ Ибрэхьим Хьэмзэт.
• 1942 гъэм къалъхуащ техникэ щlэныгъэхэмкlэ доктор, КъБКъУ-м и профессор, ЩLДАА-м и академик Сэбаншы Хъусен.
• 1943 гъэм къалъхуащ жылагъуэ лэжьакlуэ, Сирием и Адыгэ Фlыщlэ Хасэм и тхьэмадэу щыта Гугу Акрэм.
• 1966 гъэм къалъхуащ КъБР-ми КъШР-ми щlыхь зиlэ я артисткэ Шэрджэс Lэсият.
Бадзэуэгъуэм и 11, мэрем
• Цlыху бжыгъэм хэхъуэным и дунейпсо махуэщ.
• Шоколадым и дунейпсо махуэщ.
• 1958 гъэм «Кабардинка» къэрал къэфакlуэ ансамблыр Монголием кlуащ, абы и лъэпкъ махуэшхуэм хэтын папщlэ.
• 1932 гъэм къалъхуащ биологие щlэныгъэхэмкlэ доктор, профессор, КъБР-м щlэныгъэхэмкlэ щlыхь зиlэ и лэжьакlуэ Кlэрэф Майе.
• 1948 гъэм къалъхуащ КъБР-м и цlыхубэ артист Къуныжь Алим.
Бадзэуэгъуэм и 12, щэбэт
• Сурэттехым и дунейпсо махуэщ.
• Граждан авиацэм и бортзехьэм и дунейпсо махуэщ.
• 1927 гъэм къалъхуащ скульптор lэзэ, УФ-м, КъБР-м щlыхь зиlэ я сурэтыщl Тхьэкlумашэ Михаил.
• 1947 гъэм къалъхуащ социологие щlэныгъэхэмкlэ доктор, АКъУ-м и профессор, Адыгэ Республикэм и lэтащхьэу илъэс куэдкlэ лэжьа Тхьэкlушынэ Аслъэнджэрий.
• 1958 гъэм къалъхуащ КъШР-м и цlыхубэ усакlуэ, КъБР-м щэнхабзэмкlэ щlыхь зиlэ и лэжьакlуэ Пщыгъусэ Аслъэнбэч.
• 1958 гъэм къалъхуащ дзюдомкlэ дунейм и чемпион Лъэцэр Хьэзрэт.
Бадзэуэгъуэм и 13, Тхьэмахуэ
• Акъылым зезыгъэужь джэгукlэхэм я дунейпсо махуэщ.
• 1937 гъэм къалъхуащ адыгэ усакlуэ, тхакlуэ, журналист, «Адыгэ псалъэ» газетым жэуап зыхь и секретарым и къуэдзэу илъэс куэдкlэ лэжьа Брай Адэлбий.
• 1972 гъэм къалъхуащ сурэтыщl-график, Къэбэрдей-Балъкъэрым и цlыхубэ художник Пащт-Хъан Алим.
Бадзэуэгъуэм и 14, блыщхьэ
• Осетие Ипщэм и мамырщlэкъу къарухэм я махуэщ.
• 1945 гъэм Париж къалэм Текlуэныгъэм и парад щекlуэкlащ. Япэ иту уэрамым ирикlуащ Франджым и Лlыхъужь адыгэ бзылъхугъэ Хьэгъундокъуэ Елмэсхъан.
• 1957 гъэм Налшык щекlуэкlащ СССР-м ис лъэпкъ псоми я тхакlуэхэм я лlыкlуэхэр зыхэта пшыхь гъэщlэгъуэн.
• 1965 гъэм Къэбэрдей-Балъкъэрым уэрэдымрэ къафэмкlэ и «Кабардинка» къэрал ансамблыр къафэмкlэ «Кабардинка» ансамблу зэрахъуэкlащ.
• 1904 гъэм къалъхуащ адыгей тхакlуэ Щоджэн Lэюб.
• 1936 гъэм къалъхуащ къэрал лэжьакlуэ цlэрыlуэу щыта, КъБАССР-м и Министрхэм я Советым и унафэщlу 1988 – 1991 гъэхэм лэжьа Мамхэгъ Михаил.
• 1961 гъэм къалъхуащ адыгей усакlуэ, тхакlуэ Гутlэ Сания.
Бадзэуэгъуэм и 15, гъубж
• Щlалэгъуалэр lэпщlэлъапщlагъэм хуэгъэсэным и дунейпсо махуэщ.
• 1939 гъэм Бахъсэн, Аруан, lуащхьэмахуэ щlыналъэхэм район газетхэр къыщыдэкlыу хуежьащ.
• 1924 гъэм къалъхуащ къэрал лэжьакlуэ, Урысей Федерацэм щlыхь зиlэ и юрист Шакъ Беслъэн.
• 1924 гъэм къалъхуащ къэфакlуэ, хореограф, СССР-м и цlыхубэ артист Эсамбаев Махьмуд.
• 1928 гъэм къалъхуащ тхакlуэ, lуэрыlуатэдж, литературэдж, Къэбэрдей-Балъкъэрым и цlыхубэ тхакlуэ, КъБР-м щlэныгъэхэмкlэ щlыхь зиlэ и лэжьакlуэ, Абхъаз Республикэм щэнхабзэмкlэ щlыхь зиlэ и лэжьакlуэ Нало Заур.
• 1929 гъэм къалъхуащ lуэрыlуатэдж, литературэдж, критик, филологие щlэныгъэхэмкlэ кандидат, профессор Пщыбий Инал.
• 1939 гъэм къалъхуащ мэкъумэш щlэныгъэхэмкlэ доктор, КъБКъМУ-м и профессор, КъБР-м щlэныгъэхэмкlэ щlыхь зиlэ и лэжьакlуэ Ашэбокъуэ Леонид.
• 1948 гъэм къалъхуащ адыгэ усакlуэ Балъкъыз Батий.
• 1959 гъэм къалъхуащ къэрал лэжьакlуэ, КъБР-м щlыхь зиlэ и юрист Башорэ Хьэмид.
Бадзэуэгъуэм и 16, бэрэжьей
• 1922 гъэм къалъхуащ адыгэ тхакlуэ Кlэрэф Мухьэмэд.
• 1935 гъэм къалъхуащ СССР-м спортымкlэ щlыхь зиlэ и мастер, къэралым щэнейрэ и чемпион, КъБР-м физкультурэмрэ спортымкlэ щlыхь зиlэ и лэжьакlуэ Къуэдзокъуэ Анатолэ.
• 1940 гъэм къалъхуащ искусствоведенэмкlэ доктор, КъБКъУ-м и профессор Мэлбахъуэ Борис.
Бадзэуэгъуэм и 17, махуэку
• Этнографым и махуэщ.
• Уголовнэ щlэпхъаджагъэ зылэжьахэм я хьэкумыр щlэным епха lэнатlэхэм я дунейпсо махуэщ.
• 1942 гъэм къалъхуащ КъШР-м и Правительствэм и Унафэщlу лэжьа, экономикэ щlэныгъэхэмкlэ кандидат, УФ-м щlыхь зиlэ и ухуакlуэ Уэзы Анатолэ.
• 1948 гъэм къалъхуащ шэрджэс сурэтыщl Къардэн Мухьэдин.
Бадзэуэгъуэм и 18, мэрем
• Гъущlгъавэм и дунейпсо махуэщ.
• 1849 гъэм къалъхуащ адыгэ джэгуакlуэ Мыжей Сэхьид.
• 1932 гъэм къалъхуащ тхакlуэ, литературэдж, искусствовед, критик Кlурашын Бетlал.
Бадзэуэгъуэм и 19, щэбэт
• Мамкъут зыдэлъ хьэлывэм и дунейпсо махуэщ.
• 1903 гъэм лъакъуэрыгъажэмкlэ япэ дунейпсо зэпеуэр екlуэкlащ.
• 1942 гъэм Къардэн Къубатий Берёзовскэ куейм фашист кхъухьлъатитl къыщриудыхат.
Бадзэуэгъуэм и 20, Тхьэмахуэ
• Шахматхэм я дунейпсо махуэщ. 1966 гъэ лъандэрэ ягъэлъапlэ, 1924 гъэм а махуэ дыдэм Париж Дунейпсо шахмат федерацэр (ФИДЕ) къызэрыщызэрагъэпэщам тращlыхьауэ.
• Тортым и дунейпсо махуэщ.
• 1561 гъэм Идар Темрыкъуэ ипхъу Гуащэнэ чыристан диныр кърагъэщтащ, Марие цlэри фlащащ.
• 1990 гъэм Осетие Ищхъэрэ автономнэ республикэм и Совет Нэхъыщхьэм къищтащ я къэрал суверенитетым теухуа унафэ икlи я къалащхьэ Орджоникидзе нэхъапэм зэреджэу щыта Владикавказ цlэр иритыжащ.
• 1927 гъэм къалъхуащ къэрал, парт лэжьакlуэ, политик Къущхьэ Гъумар.
• 1938 гъэм къалъхуащ къэрал, жылагъуэ лэжьакlуэ, егъэджакlуэ, философие щlэныгъэхэмкlэ доктор, техникэ щlэныгъэхэмкlэ кандидат Хъурей Феликс.
• 1938 гъэм къалъхуащ сабий усакlуэ Афlэунэ Лиуан.
• 1938 гъэм къалъхуащ усакlуэ, драматург, АР-м гъуазджэхэкlэ щlыхь зиlэ и лэжьакlуэ, Адыгейм и цlыхубэ тхакlуэ Къуиикъуэ Налбий.
• 1947 гъэм къалъхуащ экономикэ щlэныгъэхэмкlэ кандидат, Кубанми АР-ми щlэныгъэхэмкlэ щlыхь зиlэ я лэжьакlуэ, ЩLДАА-м и академик, РАЕН-м, Нью-Йорк академиехэм хэт Тlрахъуэ Энвер.
• 1964 гъэм къалъхуащ КъБР-м и цlыхубэ сурэтыщl, Урысейм Художествэхэмкlэ и академием хэт Сэвкlуий Хьэмид.
• 1973 гъэм къалъхуащ къэрал, политикэ лэжьакlуэ, КъБР-м и lэтащхьэ Кlуэкlуэ Казбек.
Бадзэуэгъуэм и 21, блыщхьэ
• 1774 гъэм Урысеймрэ Тыкумрэ Кючук-Кайнарджий мамырыгъэ зэгурыlуэныгъэр зэращlылlащ, 1768 – 1774 гъэхэм а къэралитlым ирагъэкlуэкlа зауэр зэриухам и щыхьэту.
• 1829 гъэм lуащхьэмахуэ и щыгум зэи цlыхулъэ темыувауэ адыгэлl Хьэшыр Чылар къуэкlыпlэ лъэныкъуэмкlэ а къуршым дэкlащ.
• 1994 гъэм Къэбрдей-Балъкъэрым и Къэрал гербыр, Къэрал ныпыр, Къэрал гимныр къащтащ.
Бадзэуэгъуэм и 22, гъубж
• Щхьэ куцlым и дунейпсо махуэщ
• Боксым и дунейпсо махуэщ
• 1945 гъэм КъАССР-м и щакlуэ хозяйствэр къызэрагъэпэщащ.
• 1914 гъэм къалъхуащ КъБР-м и цlыхубэ усакlуэ, Социалист Лэжьыгъэм и Лlыхъужь, УФ-м и Къэрал саугъэтым и лауреат Кlыщокъуэ Алим.
• 1954 гъэм къалъхуащ АР-м щыщ журналист Мамрыкъуэ Нуриет.
Бадзэуэгъуэм и 23, бэрэжьей
• Джейхэмрэ хыкхъуэхэмрэ я дунейпсо махуэщ.
• Абхъаз Республикэм и Къэрал ныпым и махуэщ.
• 1923 гъэм къалъхуащ совет дзэ къулыкъущlэ, генерал-майор, тхакlуэ, жылагъуэ лэжьакlуэ Нэхущ Мырзэбэч (Борис).
• 1944 гъэм къалъхуащ «Кабардинка» къэрал ансамблым и къэфакlуэу щыта, КъБР-м щlыхь зиlэ артист Дзыхьмыщl Къэрэлбий.
Бадзэуэгъуэм и 24, махуэку
• Уи щхьэр езым бгъэфlэжыным и дунейпсо махуэщ.
• Удз гъагъэхэмкlэ lэщlагъэлlхэм я махуэщ.
• 1929 гъэм къалъхуащ адыгэхэм я макъамэ lэмэпсымэхэр щlыным хуэlэзэу щыта Ойберман Владимир.
• 1942 гъэм нэмыцэдзэхэм Дон lус Ростов къалэр яубыдащ икlи Кавказыр къэзэуным яужь ихьащ.
• 1940 гъэм къалъхуащ композитор, КъБР-м, КъШР-м я цlыхубэ артист, УФ-м щlыхь зиlэ и артист, УФ-м и Къэрал саугъэтым и лауреат Даур Аслъэн.
• 1940 гъэм къалъхуащ философие щlэныгъэхэмкlэ доктор, АКъУ-м и профессор Къэзан Хьэмзэт.
• 1944 гъэм къалъхуащ тхакlуэ, критик, литературэдж, филологие щlэныгъэхэмкlэ доктор, КъБКъУ-м и профессор, КъБР-м щlэныгъэхэмкlэ щlыхь зиlэ и лэжьакlуэ Гъут Lэдэм.
• 1961 гъэм къалъхуащ Адыгейм щыщ усакlуэ, тхакlуэ, драматург Хъунэгу Саидэ.
Бадзэуэгъуэм и 25, мэрем
• 1472 гъэм шэрджэс кхъухь 24-рэ тенджыз Фlыцlэм зэпрыкlри, Тыркум теуауэ щытащ.
• 1942 гъэм щlидзащ Кавказым папщlэ екlуэкlа зауэм. Советыдзэхэмрэ нэмыцэхэмрэ абы папщlэ зэпэщlэтащ 1942 гъэм бадзэуэгъуэм и 25 щегъэжьауэ 1943 гъэм жэпуэгъуэм и 9 пщlондэ.
• 1886 гъэм къалъхуащ Иорданием щыщ къэрал, жылагъуэ лэжьакlуэ, юстицэмкlэ министру, депутату, Адыгэ Хасэм и тхьэмадэу щыта Хьикмэт (Мафlэдз) Умар.
• 1917 гъэм къалъхуащ КъШР-м и цlыхубэ тхакlуэ Ахъмэт Мухьэдин.
• 1936 гъэм къалъхуащ филологие щlэныгъэхэмкlэ доктор, ЩLДАА-м и академикыу щыта, Адыгейм щlэныгъэхэмкlэ щlыхь зиlэ и лэжьакlуэ Хъут Шэмсэдин.
• 1944 гъэм къалъхуащ публицист, КъБР-м и Жылагъуэ палатэм и унафэщlым и къуэдзэ, УФ-м, КъБР-м, КъШР-м щэнхабзэмкlэ щlыхь зиlэ я лэжьакlуэ Аттаев Жэмал.
• 1948 гъэм къалъхуащ АР-м и къэрал лэжьакlуэ, журналист, политикэ щlэныгъэхэмкlэ доктор Кlэрашэ Аслъэнбэч.
• 1949 гъэм къалъхуащ географие щlэныгъэхэмкlэ доктор, СССР-м и Къэрал саугъэтыр зыхуагъэфэща Болэ Владислав.
• 1972 гъэм къалъхуащ АР-м щlыхь зиlэ и журналист, «Шапсугия» газетым и редактор нэхъыщхьэ Ныбэ Анзор.
• 1983 гъэм къалъхуащ боксёр, Олимп джэгухэм жэз медаль къыщызыхьа, Урысейм бокс спорт лlэужьыгъуэмкlэ щlыхь зиlэ и мастер Хърачэ Мурат.
Бадзэуэгъуэм и 26, щэбэт
• Адэ къуэш-адэ шыпхъухэм, анэ дэлъху-анэ шыпхъухэм я дунейпсо махуэщ.
Эсперантэ бзэм и дунейпсо махуэщ.
• Кубэм и лъэпкъ зэщlэхъееныгъэм и махуэщ.
• 1936 гъэм къалъхуащ тхакlуэ, тхыдэдж-архивист, КъБР-м щэнхабзэмкlэ щlыхь зиlэ и лэжьакlуэ Опрышкэ Олег.
• 1941 гъэм къалъхуащ физико-математикэ щlэныгъэхэм я доктор, профессор, РАЕН-мрэ ЩLДАА-мрэ я академик Къумахуэ Мурадин.
• 1946 гъэм къалъхуащ КъБР-м и цlыхубэ усакlуэ, КъБР-м щэнхабзэмкlэ щlыхь зиlэ и лэжьакlуэ Бицу Анатолэ.
• 1954 гъэм къалъхуащ къэрал лэжьакlуэ, КъШР-м и Правительствэм и унафэщlу щыта Къардэн Алик.
• 1970 гъэм къалъхуащ КъБР-м щlыхь зиlэ и артист Lэщын Руслан.
Бадзэуэгъуэм и 27, Тхьэмахуэ
• 1147 гъэм Москва къалэм и лъабжьэр ягъэтlылъащ.
• 1922 гъэм Адыгей автономнэ областыр къызэрагъэпэщащ.
• 1981 гъэм Къэбэрдей-Балъкъэр къэрал мэкъумэш академиер къызэlуахащ. Иджы ар Къэбэрдей-Балъкъэр къэрал мэкъумэш университетщ.
• 1991 гъэм Къэбэрдей-Балъкъэрым щагъэуващ президент къулыкъур.
• 1924 гъэм къалъхуащ адыгэ усакlуэ, драматург Чуякъуэ Джэфар.
• 1928 гъэм къалъхуащ Социалист Лэжьыгъэм и Лlыхъужь Lэбубэчыр Нажмудин.
• 1936 гъэм къалъхуащ медицинэ щlэныгъэхэмкlэ доктор, КъБКъУ-м и профессор Щомахуэ Алексей.
• 1940 гъэм къалъхуащ Адыгэ Республикэм и цlыхубэ тхакlуэ, УФ-м щэнхабзэмкlэ щlыхь зиlэ и лэжьакlуэ Чуякъуэ Инус.
• 1945 гъэм къалъхуащ жылагъуэ лэжьакlуэ, Тэрч щlыналъэм и Адыгэ Хасэм и тхьэмадэу щыта Емкъуж Хьэсэнбий.
• 1947 гъэм къалъхуащ КъБР-м щlыхь зиlэ и артисткэ Кlэнэтl Лидэ.
• 1952 гъэм къалъхуащ адыгэ тхакlуэ, филологие щlэныгъэхэмкlэ доктор, щlэныгъэлl, Адыгэ Республикэм щlыхь зиlэ и журналист Къуиикъуэ Асфар.
• 1971 гъэм къалъхуащ адыгэ усакlуэ, тхакlуэ Тау Нинэ.
Бадзэуэгъуэм и 28, блыщхьэ
• Гъуэжь узым ебэныным и дунейпсо махуэщ.
• 1586 гъэм Европэм кlэртlоф къашащ. Колумбием къришри, а къэкlыгъэр Инджылызым къишат Хэрриот Томас.
• 1914 гъэм Япэ дунейпсо зауэм щlидзащ. Ар дунейм щекlуэкlа зауэ нэхъ ин дыдэхэм ящыщу къалъытэ. Абы цlыху мелуанипщlым щlигъу хэкlуэдауэ, мелуан 22-рэ уlэгъэ щыхъуауэ щытащ а зауэм.
• 1957 гъэм Москва къалэм къыщызэlуахащ щlалэгъуалэмрэ студентхэмрэ я VL дунейпсо фестивалыр. Абы хэтащ къэрали 131-м къикlа ныбжьыщlэ мин 34-рэ. «Кабардинка» къэрал къэфакlуэ ансамблыр а фестивалым и лауреат хъуащ.
• 1900 гъэм къалъхуащ Сирием щыпсэуа жылагъуэ лэжьакlуэ, Сорбоннэ дэт университет цlэрыlуэр къэзыуха, «Шэрджэсхэм я тхыдэр», «Пащтыхьхэм я бийуэ шэрджэсхэм ирагъэкlуэкlа зауэхэр» лэжьыгъэхэр зи lэдакъэ къыщlэкlа Сэмгугъу Lэмин.
Бадзэуэгъуэм и 29, гъубж
• Къаплъэным и дунейпсо махуэщ.
• 1696 гъэм урысыдзэхэм яубыдащ lузэв тырку быдапlэр.
• 1997 гъэм адыгэ пхъурылъху, Иорданием и пащтыхьыкъуэ Алий Бен-Хъусен «Кабардинка» ансамблым хэтхэм яlущlащ.
• 1817 гъэм къалъхуащ дуней псом щыцlэрыlуэ сурэтыщl Айвазовский Иван (и цlэ-унэцlэ дыдэр Ованес Айвазянщ).
• 1938 гъэм къалъхуащ Абхъазым щыщ еджагъэшхуэ, жылагъуэ лэжьакlуэ цlэрыlуэ, юридическэ щlэныгъэхэм я доктор, профессор, ЩLДАА-м и академикыу, Абхъазым щlэныгъэхэмкlэ и академием и президенту щыта Шамбэ Тарас.
• 1941 гъэм къалъхуащ щlэныгъэлl, адыгэхэм я мэкъумэш, ботаникэ щэнхабзэр джыным хэлъхьэныгъэшхуэ хуэзыщlа Хьэкъун Барэсбий.
• 1945 гъэм къалъхуащ Адыгэ Республикэм щlыхь зиlэ и журналист Сэхъутэ Нурбий.
• 1947 гъэм къалъхуащ Сирием щыщ дзэ къулыкъущlэ, жылагъуэ лэжьакlуэ, генерал-майор, СХьР-м и Адыгэ Фlыщlэ Хасэм и тхьэмадэм и къуэдзэ Къэбэрдей Аднан.
Бадзэуэгъуэм и 30, бэрэжьей
• Зэныбжьэгъугъэм и дунейпсо махуэщ.
• Цlыхукlэ сату щlыным ебэныным и дунейпсо махуэщ. ООН-м и Ассамблее нэхъыщхьэм 2013 гъэм дыгъэгъазэм и 18-м къищта унафэм ипкъ иткlэ ирагъэкlуэкl.
• 1768 гъэм дунейм и хъуреягъыр къызэхикlухьын мурадкlэ псым техьащ Кук Джеймс зи капитан кхъухьыр. Абы ист псори зэхэту цlыху 84-рэ. Дунейм и щlыпlэ куэд япэу къахутэри, гупыр 1771 гъэм Инджылызым къекlуэлlэжауэ щытащ.
• 1916 гъэм къалъхуащ япэ рангым и капитан, Хэку зауэшхуэм хахуэу хэта, дзэ-тенджыз щlэныгъэхэм я кандидат Вэрокъуэ Гъузер.
Бадзэуэгъуэм и 31, махуэку
• Системнэ администраторым и махуэщ.
• 1944 гъэм РСФСР-м и щlыналъэр нэмыцэ-фашист зэрыпхъуакlуэхэм къыlэщlагъэкlыжащ.
• 1955 гъэм къалъхуащ филологие щlэныгъэхэмкlэ доктор, профессор, ЩLДАА-м и член-корреспондент Чым Рашад.
• 1964 гъэм къалъхуащ экономикэ щlэныгъэхэмкlэ доктор, АКъУ-м и профессор Бидэнокъуэ Мурат.
• 1965 гъэм къалъхуащ экономикэ щlэныгъэхэмкlэ доктор Жэрыкъуэ Оксанэ.
