Сирием и Темыр Къокlыпlэ щыlэ къалэу Кобани щыпсэурэ кlэлэцlыкlухэм апае джэгуалъэхэр зыщагъэ Социялист Хасэхэм я Федерацие япэшэу зэlукlэгъэ ныбжьыкlэхэм бомбэ ахадзагъагъ, илъэси 10 тешlагъ.
2015-рэ илъэсым Бэдзэогъум и 20-м, кьалэу Урфа хахьэрэ паселкэу Суруч дэт Лултурэм и Гупчэу Амара ыпашъхьэ прессым щылажьэхэрэм апае зэlукlэ зыщышlыгъэм ИГИЛ зыфаlорэм къыгъэкlогъэ цlыфым зыкъыгъэожьыгъ ыкlи нэбгырэ 33-рэм ащ хэкlодагъ, нэбгыри 100-м нахьыбэ щауlагъ. Суруч жъалымагъэм и я 10-рэ илъэс къэлэ зэфэшъхьафхэм ащхагъэунэфыкlыгъ. Зэlукlэхэм къащыгущыlагъэхэм бзэджэшlагъэм ебэнынхэу пае зэфагъэм фэджагъэх, ныбжьыкlэхэу ащ хэкlодагъэхэм ягухэлъхэр зэрэлъагъэкlотэщтхэр къыхагъэщыгъ.
Козапхьа Ферданэ Кылыч, Лlышэ Нартан Кылыч
Суруч Унагъохэм Ялlыкlохэм, Суруч жъалымагъэм хэкlодагъэхэу Лlышэ Нартанрэ Козапхьа Ферданэрэ (Нартан Янэ) яшlэжь агъэлъапlэу зэхахьэ зэхащагъ. Бурса къалэ ихьаблэу Нюлифер Администрацием и Културэ Гупчэу Назым Хикмет ыцlэ зыхьырэм ар щыкlуагъ. Бэдзэогъум и 12-м зэхащагъэ зэхахьэм «Суруч и Лъэуж» ыlоу декументалнэ филм къыщагъэлъэгъуагъ, зэхащакlохэм язэдэгущыlэгъу зэхахьэм кlэух фэхъугъ.
Адыгабзэм езгъэкIугъэр: МэфшIукъо Щенгюл
