ДIАВАХА ЦА КХЕТТА ХЬАША

0
711

Веана хьаша хилла. ХIусамден зуда цIахь ца хилла. Хьешана шена чохь карийннарг хьалха йиллина хIусамдас. Хьаша шина дийне а, кхаа дийне а ваьлла. дIа ца воьдуш.
Чуьра юург чекхъяьлла, дIа-схьа хьаьжчи, кхалла хIума ца карийна. Зуда цIераялале яьккхина лаьтташ ведар шура карийна хIокху шинна. И шура а йиъна чекхъяьккхина. ТIаккха ший а, маьнги тIе а ваьлла, дуьхь-дуьхьала а вирзина. шаьш яьккхина хан дагаоьхуьйтуш, хабаре ваьлла.

Хьешо Шартеса дIадолийна шен къамел:

— Берашна юккъехь осал ца хилар дика гIиллакх дара сан, — аьлла.

— Дера дара, — аьлла, жоп делла хIусамдас Шемале.

— Синкъераме воьдуш цкъа а доттагIчуьнга маьхьсеш ца ехар а дара сан дика гIиллакх, — аьлла шолгIа а хьешо.

— Дера дара, — аьлла, жоп делла цунна хIусамдас.
Иштта хьаша ша-шен хестош вахвелча, хьеше хIусамдас элира боху:

— Кхин цхьа гIиллакх дика ду хьан, Шартес, дIа ваха а саготту вац хьо, — аьлла. (teptar.com)

Вайнахан аз

CEVAP VER

Lütfen yorumunuzu giriniz!
Lütfen isminizi buraya giriniz