Байт

0
28

Гора яI, нохчийн мотт, дош метта диллий
ДIаала вайша цхьа даггара илли,
Хьалхара ахь олуш, тIаьхьара – ас,
Дуьненна хазийта вайша хьан аз.

Лаьттана йовхо лун малх буьйцу вайша
Я цхьана заманчохь лелийнарг дайша,
Я Iаьржа верта тIетесна барам санна
Стиглахь йоьду Iаьржа марха йийца царна?

Я вайшиннан мехкан каш доцчу чартийн
Йист йоцу кIайн могIарш дIагойтур дар-те?
ЦIийн Iоврех леда хьан шовданаш дийца
Я зезаг хьахадай дог-ойла хийца?

Я зовкхехь дийца деза деши, дети,
Я ала мел ца лург Iадда а дитий,
Теш лаций, буьйса и беттаса тайша
ВорхIе а дуьненчу охьаделха вайша!..

Яшуркаев Султан

CEVAP VER

Please enter your comment!
Please enter your name here