Фыгъуэинумэ гъукlэхэ фыкlуэтэlэ!
Фызабэ анэм пхъуитl иlэт. Зы махуэ гуэрым, хъыджэбзым зыр анэм йолъэlур:
-Кхъыlэ ди янэ, ди ныбжьэгъухэр филм (кино) еплъыну макlуэри, си шыпхъумрэ сэри дыгъакlуэ.
Анэр къуэгубжь:
-А ямылъагъужын, ди гъунэгъущ Гъукlэхэр. Я нэщхъэягъуэщ. Умыукlытэу мыр дауэ жыпlэрэ?
Пхъум, ижагъуэ хъуауэ, зеущэхуж.
Махуитl токlри, и пхъум и ныбжьэгъухэр анэм дэж къокlуэ. Абы я мурадт, анэм елъэlу я ныбжьэгъуитlыр хуит къырагъэщlыныуэ.
Зыхуедыдэхэри мэхъу; Зэшыпхъуитlыри ягъусэуэ кином макlуэхэр.
Сыхьэтитl нэужьым зэшыпхъухэм янэпlащхьэхэр тебэежауэ унэм къуокlуэж.
(Зэплъа филмыр, гууз зыщыхъуа хъыджэбзхэр магъыр. Щымахуэ щlыlэми хэту къыщыкlуэжкlэ, нэхъми мэбей нэпlащхьэхэр.)
Анэр щтауэ:
-Сыт къыфщыщlар?
Хъыджэбзхэр гъынанэурэ:
-Гущlэхьэт, гуузт, актрисам ищхьэм къырикlуахэр.
Анэр къолындри:
-Ямылъагъужынхэ, фыгъуэинумэ Гъукlэхэ фыкlуэтэlэ! Ахъшэ тефлъхьэуэ, сыт зыщlэфlлlэжыр!
*1965 гъэхэм къэхъуащ, мы къэтlуэтэжар. (Узын-Яйлэ зэпха Пынарбашым)
А заманым, гъунэгъум и нэщхъэягъуэри быдэуэ даlыгъу щытащ.
*Къазыlуэтэжар: Къущхьэ Нэвинщ. (Илъ.67 мэхъу) Анэктодым хэт хъыджэбзым зыр аращ.
