Цэй (lутlыжъу) Пшызэ Хэкум гъэзэжьыным фэгъахьыгъэу гущыlэгъу тыфэгъугъ.
Пшызэ ятэ Цэй Исхьакъ, Адыгэхэм хэкум агъэзэжьын фае гупшысэ еплъыкlэр Косова апэу къыщызыlэтыгъ ыкlи ащ инэу дэлэжьагъ. Янэ Мейрем ащ пэрыохъу фэхъугъэп, дыригъэштагъ.
Цэйхэм хэкум зыдрахыгъагъэ кушъитlур (кушъэхэр джы лъэпкъ музеим ихьазнэщ щагъэгъунэх) зыгъэлъэпlагъэу зыгъэгъунагъэр Мейрем янэ ары.
Апшъэрэ гъэсэныгъэ зиlэу искуствэр зыщагъэлъапlэрэ унагъо къихъуахьыгъэ Пшызэ Янэ музыкэм, Ятэ тиатрэм феджагъэх. Пшызэ ежьыри юридический факултетыр Мыекъуапэ къыщиухыгъ.
Пшызэрэ ишъхьагъусэ lутlыжъ Левентрэ унагъо дахэ яl, кlэлищ зэдапlу, Мыекъуапэ щэпсэух.
-Пцlэ, плъэкъуацlэ…
-Сцlэр Пшызэ, Слъэкъуацlэр Цэй. Косовам ит къуаджэу Доно-Становитца сыкъщыхъугъ.
1998-рэ илъэсым Адыгэ Республикэм Мыекъуапэ тыкъэкlо жьыгъ. Зэщитlурэ,зэшыпхъуитlурэ тэхъу. Сшыпхъунахьыжь Нэфын, сшынахьыжьхэр Алхьэс, Нарт. Сэ Пшызэ къызэрэс фиусыгъэм пае Сятэ джыри зэ тхьаегъэпсэу есэlо. Зэкlэхэми адыгабзэкlэ тиныдэльфыбзэкlэ тызэдэгущыlэ. Лъэпкъ шэн хабзэхэр зетехьах.
Сятэрэ Сянэрэ Прищтина университетым щеджагъэх, Сятэ Факултет Тиатралнэ Искуств, Сянэ Музикално Факултетыр къаухыгъ. Джы Мэфэхьаблэ щэпсэух. Хатэ алэжьы. Ижъырэ Адыгэ пчlышъхьмышъхьа чыг зэмылlоужугъэхэм адэлажьэх.
Нэфынэ Адыгэ Къэралыгъо Университетым Юридичекий Факултетыр къыухыгъ.Алхьэс Къэбэртэе Балкъар Республикэ Къэралыгъо Унивеситетым стрейтель инженерэу щеджагъ. Тlури ясэнэхьат рэлажьэх.
Тиунагъокlэ Хэкум тыкъзэкlожьым сэ илъэс 15-м ситыгъ, Мыекъопэ къэралыгъо Политехнический Коледжыр, ащ ыуж АкьУ-м и Юридический Факултет къэсыухыгъ. Унагъо сиl. lутыжьхэм сыряныс. Сишьхьагъусэ lутlыжь Левент Тыркуем къикlыжьыгъ, Кьалэу Измир къыщыхъугъ, щапlугъ ау, Адыгэ къоджабэ зэрыт Узуняйла шъольырым щыщ. Тиунагъокlэ Мыукъуапэ тыщэпсэу. Кlэлищ тэпlу.
Анахьыжьэу Бэркъукъ я 7-рэ классым, типшьащэу Гунэ я 5-рэ классым Адыгэ Къэралыгъо Гимназием щеджэх. Анахьыкlэр Бэрсыс, ар илъэс хъугъэ къодый.
Тикlалэхэм яныдэльфыбзэ ашlэу, адыгагъэ ахэлъэу тыпlун- хэр ары тихьопсапlэр.
-Хэкум шъукъэкlожьынэу зэрэхъугъэм игугъ къэпшlына?
-Хэкум тыкъэкlожьынэу зэрэхъугъэм игугъ къэсшlын хъумэ, Тятэ сыдыгъуи хэкум тыкъищэжьыным фэягъ, ыкlи ащ лъэшэу фэбэнагъ. Тишы уанэ зэтелъэу тыкъзэрэкlожьыщтым тежэщтыгъэу плъытэ хъущт. Шъыпкъэр пlощтмэ, Косово къыщежьагъэ заом ар къытфигъэпсынкlагъ.
-Хэкум укъзэкlожьым къиныгъо урихьылlэу къыхэкlы-гъа?
-Хэкум сыкъзэкlожьым сыгу къинэжьынэу къин сырихьылlа-гъэп. Шlулъэгъоу ащ фисиlэм гумэкlыгъо щыlэми зэхисигъэшlагъэп.
-Косова ущыlэзэ сыд фэдэу хэкур плъэгъущтыгъа, къызэрэпшlошlэу къычlэкlыжьыгъа?
-Сицlыкlугъом къызэрэсшlощтыгъэм фэдэу къычlэмыкlы гъэхэри щыlэхэми уахьтэ тешlэ къэсми сыдырэри нахь къыбгурэlоба. Гущыlэм пае сятэ къытфиlуатэщтыгъ, хэкум щыплъэгъурэ цlыфхэм адыгэ шъуашэхэр ащыгъхэу зекlохэу….
-Хымэ хэгъэгухэм къарыкlыжьыгъэхэм анэмыкlэу ныбджэгъухэр уlэха?
-Университетым сыщеджэ зэхъум ныбджэгъушlухэр сиlэ хъугъагъэх, тызэсщыгъупшагъэхэп, джыри тызэпэпблагъ тызэlокlэ, тызэдэгущыlэ, тызэхахьэх.
-Атэжъ чlыгум гъэзэжьыгъэн фаеу о плъытэщтыгъ, ащ зи кlэбгъэгушlунэу уздэгущыlагъэ щыlа?
-Хэкум къэкlожьыным фэшl зый тезгъэгушlуахьыгъэп, сыфэмыеу арэп ау, Хэкум укъэкlожьыным къиныгъо урихьылlэм ащ оебэныны плъэкlынэу щыт. Нэбгырэ пэпчь щыlэныгъэм зэрэхэтыр фэшъхьафы, сэри ар къыдэслъытагъ сыдыгъуи.
