Аиҳәшьцәа Гәындеи Фридеи Берзениаа ирҳәо агимн “Аныҳәара” аклип ҭыҵит.
Агимн “Аныҳәара” Гәындеи Фридеи Берзениаԥҳацәа х-бызшәак рыла инарыгӡеит – аԥсышәала, урысшәала, англыз бызшәала.
Амузыка лыҩит Германиа иҟоу, Аԥсны Адәныҟатәи аусқәа рминистрра азнмчра нагӡа змоу ахаҭарнак, Германиа акомпозиторцәа реидгыла алахәыла Хьыбла Амҷԥҳа.
Аклип аҭыхреи амонтаж аҟаҵареи рзы ҷыдала иҭабуп ҳәа раҳҳәоит Аԥсуа телерадиоеилахәыра, хаҭалагьы уи адиректор Ирина Агрба, аҭыхҩы Сергеи Қаџьаиа, иара убас арежиссиор Дауҭ Кьышьмариа.
Аԥсышәала ашәа атекст аԥиҵеит ашәҟәыҩҩы, ажурналист Владимир Занҭариа, урысшәала – Ҟарачы-Черқьес жәлар рпоет Лариса Шебзыхәа, англыз бызшәала – Германиа урысшәала иҩуа алитераторцәа рхеилак алахәыла Улиана Обыночнаиа.
Ашәа абжьыцқьара аус адырулеит Асҭамыр Џьапуеи Антон Легалини. (abaza.org)
