Нохчочунна экстрадици йарна дуьхьала митинг

0
139
Гериханова Аминана Оьрсийчу экстрадици йарна дуьхьала митинг

«Европерчу нохчийн Ассамблейн» векало Албаков Шемала Кавказ.Реалиига дийцира, акцин декъашхоша Гериханована Оьрсийчу экстрадици ца йайта Европан Кхеташоне резолюции хьажийна, аьлла. 

Нохчо Гериханова Амина Румынера Оьрсийчоьнан кара йаларна дуьхьала францхойн Страсбургехь Европан Кхеташонан гIишлонна хьалха митинге гулвелла 30 гергга жигархо. Цул хьалха Гериханова масех шарахь Киевехь яьхна, Украинан ницкъаллин хьукматийн цуьнгхьа хеттарш дацара. 

«Европерчу нохчийн Ассамблейно» гулйина ю митинг, нохчийн бакъоларъяран «Вайфонд» ассоциацин гIоьнца. Гулбеллачара францхойн, нохчийн, ингалсан меттанашкахь плакаташ диллира, шайна юккъехь «Аминана – маршо», «Нохчийчохь нах тIепаза бар, байъар, Iазап латтор» йозанаш долуш. 

«Европерчу нохчийн Ассамблейн» векало Албаков Шемала Кавказ.Реалиига дийцира, акцин декъашхоша Гериханована Оьрсийчу экстрадици ца йайта Европан Кхеташоне резолюции хьажийна, аьлла. Протестан гулам Европан адамийн бакъонашкахула йолчу кхелан гIишлонна хьалха а хIоттийра. 

  • Стигалкъекъа-беттан 9-хь бакъоларъяран Amnesty International организацига Европан адамийн бакъонашкахула йолчу кхелера тIечIагIдар кхечира, нохчочун Гериханован кхерамазаллица доьзна 39-гIа бакъонах пайда эцна, аьлла. Оьрсийчоьнан дехарца Румынин Iедало Гериханован экстрадици йар сацийна Товбецан-бутт юккъе кхачалц.
  • Кавказ.Реалиино хаам ма-барра, Зазадоккху-беттан 13-хь Украинера дIайоьдучу юкъанна Румынин дозанехь дIалецира 36 шо долу Нохчийчуьра Гериханова Амина. Оьрсийчоьнан дехарца Интерполон лехамашка еллера иза – мухIажар бехкейина Шеман тIамехь дакъалацарна. Пхи шо хьалха Нохчийчуьра дIаяхна Гериханова, Киевехь ехаш яра иза. Цуьнан гергарнаш а, иза евза-езарш а тешна бу, бакъо йоцуш вовшахтоьхначу юкъараллаца цуьнан гIуллакх деана дац аьлла. (radiomarsho)

CEVAP VER

Lütfen yorumunuzu giriniz!
Lütfen isminizi buraya giriniz