Цхьана стеган безамехь хаза боргӀал хилла. ХӀора Ӏуьйранна ламазан хенахь кхойкхуш хилла и боргӀал. Динна екха волчу хӀусамдена кӀордийна хилла цуо ша набарх самавоккхуш хӀоразза а. ТӀаккха хӀусамдас аьлла боргӀале:
– Кхул тӀаьхьа кхин Ӏуьйранна кхайкхахь, ша урс а хьаькхна, йай чу тосур йу хьо.
Урс хьокхийтийла а ма дац аьлла ойла йира боргӀало.
– Дика ду, ша кхин кхойкхур йац, аьлла боргӀало.
Дуккха хан йаьлла цул тӀаьхьа боргӀал Ӏуьйранна ламазан хенахь ца кхойкхуш.
– Котамах ека йеза хьо, нагахь ца екахь, урс хьокхур ду ша, аьлла хӀусамдас.
Йоьйтийла а ма дац хӀинца аьлла, котамах ека йоьлла боргӀал.
Цхьа хан-зама йахара иза хӀусамден Ӏомра кхочушдеш, котамах екаш.
Амма цунах а тоам ца хиллачу хӀусамдас хьовзийна боргӏал:
– ХӀоа дан дезар ду ахь хӀинца, аьлла.
ТӀаккха йилхина дӀайахара боргӀал. Байттамал хиллачу боргӀало элира:
– Дуьххьара сайга Ӏуьйранна ма кхайкха аьллачу хенахь, сайна урс хьакхийтинехь гӀоли ма йара суна, сел сий дайна йоьйтучул а.
ДӀайаздинарг: И. Ислам
“Голос Души Синан Аз”
